Astana qalasynyŋ Tötenşe jaǧdailar departamentı «Qazgidromet» RMK derekterı boiynşa 7 aqpanda keşke, 8-9 aqpan künderı qala aumaǧynda qarly boran, köktaiǧaq boluy mümkın ekenın mälımdedı. Osyǧan bailanysty qūtqaruşylar saqtyq erejelerın eske saldy, dep habarlaidy astana-akshamy.kz elorda äkımdıgınıŋ resmi saityna sılteme jasap
8-9 aqpan täulık boiy, keide 23-28 m/s jyldamdyqpen jel soǧady.
Oqys jaǧdaidyŋ aldyn alu üşın qūtqaruşylar elorda tūrǧyndary men qonaqtaryna mamandardyŋ ūsynymdaryn tyŋdau, abai bolu, engızılgen şekteulerge köŋıl bölu kerek ekenın eskertedı.
Qūrylys nysandary ökılderı halyqty jäne aumaqty qolaisyz aua-raiynan bolatyn jaǧdaidan saqtau jönınde qosymşa şaralar qabyldap, mümkındıgınşe qūrylys nysandarynda qūrylys-montaj jūmystarynyŋ qyzmetın şektegenı jön.
«Boran kezınde eŋ aldymen tūrǧyn üilerdegı elektr jelılerı men jabdyqtardyŋ, jylytu peşterınıŋ jai-küiın tekseru, ışkı jäne syrtqy örtke qarsy sumen jabdyqtaudyŋ, telefon bailanysynyŋ jaramdylyǧyn qamtamasyz etu, örtke qarsy qūraldardy daiyndau qajet. Päterdegı elektr jelısınıŋ kerneuı köterılgen kezde barlyq tūrmystyq elektr aspaptaryn dereu toqtan ajyratyŋyz, elektr quaty kenetten qosylǧan kezde ört bolmauy üşın rozetkalardan toqty suyryp qoiyŋyz. Sondai-aq, jeke avtokölıgıŋızdı aǧaştar men eskı qūrylystardan alysyraq qoiyp, terezelerdı qatty jabu qajet», – deidı elordalyq TJD.
Boran kezındegı ıs-äreketter:
Eger sız ǧimaratta bolsaŋyz:
– Qajet bolǧan jaǧdaida ǧana ǧimarattan şyǧyŋyz.
– Şyǧu qajet bolsa, qaida bara jatqanyŋyz jäne qaşan qaityp oralatynyŋyz turaly otbasy müşelerıne nemese körşılerıŋızge habarlaŋyz.
– Jalǧyz şyqpauǧa tyrysyŋyz.
Eger sız jolda bolsaŋyz:
– Ülken joldar men tas jolda ǧana jürıŋız.
– Maşinadan şyqqan kezde odan alystamauǧa tyrysyŋyz.
– Maşinanyŋ aqaulyǧy bolsa nemese jol körınbese, joldyŋ jiegıne toqtaŋyz;
Üzılıssız guıldermen dabyl berıŋız, sorǧyşty (kapot) köterıŋız nemese antennaǧa aşyq tüstı matany ılıŋız, avtokölıkte kömek kütıŋız.
Köktaiǧaq kezınde qūlap qalmau üşın kelesı erejelerdı saqtau qajet:
– biık ökşelı aiaq kiım kiiuden bas tartyp, jai tabany bar taiǧanamaityn aiaq kiımdı taŋdaŋyz;
– joldyŋ jüru bölıgınde öte mūqiiat bolyŋyz, asyqpaŋyz jäne jügırmeŋız;
– kölbeu betı bar barlyq jerdı ainalyp ötuge tyrysyŋyz;
– mümkındıgınşe qoldaryŋyz bos boluy kerek, auyr sömkelerdı alyp jürmeuge tyrysyŋyz, qolyŋyzdy qaltaŋyzǧa salmaŋyz, būl qūlap qalu qaupın arttyrady;
– aiaq astyna mūqiiat qaraŋyz, qauıptı jerlerdı ainalyp ötuge tyrysyŋyz. Eger de mūzdy «şalşyqty» ainalyp ötu mümkın bolmasa, onda onyŋ üstınen jeŋıl adymmen jürıŋız;
Esıŋızde bolsyn, äsırese arqamen, betpen qūlau qauıptı, basyŋyzdan zaqym aluyŋyz mümkın. Zardap şekseŋız mındettı türde alǧaşqy medisinalyq kömek alu üşın därıgerge qaralyŋyz.
Tötenşe jaǧdai tuyndaǧan kezde «112» nömırıne qoŋyrau şalyŋyz.
