Biyl Äz-Nauryzda elorda äkımdıgı qalanyŋ barlyq audanynda türlı merekelık ıs-şaralardy qyzyqty etıp ötkızudı közdep otyr, dep habarlaidy astana-akshamy.kz
Ortalyq kommunikasiialar qyzmetınde ötken brifingıde Astana qalasy mädeniet basqarma basşysynyŋ orynbasary Nūran Kamzin Nauryzdy toilau josparymen bölıstı.
Onyŋ aituynşa, «EHRO» halyqaralyq körme ortalyǧynda otandyq jäne şeteldık qolönerşılerdıŋ qatysuymen «Köşpelı örkeniet» festivalı ötedı. Bügınde merekeleu tūjyrymdamasy äzırlenıp, sahnalyq alaŋdar daiyndalyp jatyr.
«21-22 nauryz 11:00-den 16:00-ge deiın elordamyzdyŋ Ortalyq alaŋynda, «Qazaq elı» monumentı, «Bäiterek» monumentınıŋ janyndaǧy alaŋda, elordalyq saiabaq pen EXPO alaŋynyŋ aumaǧynda qazaqstandyq estrada jūldyzdarynyŋ qatysuymen negızgı merekelık konsertter ötkızu josparlanyp otyr. Sonymen qatar, qalanyŋ 5 audanynda 30-dan astam merekelık konsert ötedı. 21-22 nauryz künderı saǧat 12:00-den bastap audan Almaty audanynyŋ 12 tūrǧyn üi alabynda jäne Baiqoŋyr audanynda 8 tūrǧyn alabynda, Saryarqa audanynyŋ 4 alaŋynda, Esıl audanynda 4 alaŋ, sonymen qatar Nūra audanynda 4 alaŋda merekelık şaralar ötedı», – dedı spiker.
14 nauryzda saǧat 19:00-de Erkeǧali Rahmadiev atyndaǧy Memlekettık akademiialyq filarmoniiasynyŋ Kameralyq hory «Tal besıkten – Jer besıkke…» atty teatrlandyrylǧan qoiylymyn ūsynady. Is-şara «Astana Opera» teatrynyŋ Küläş Bäiseiıtova atyndaǧy kameralyq zalynda ötedı. Būl ıs-şara – qazaqtyŋ dästürlı ädet-ǧūryptaryna negızdelgen hor qoiylymy. 15 nauryz künı saǧat 19:00-de Erkeǧali Rahmadiev atyndaǧy Memlekettık akademiialyq filarmoniiasynda «Nauryz aiy tuǧanda» merekelık teatrlandyrylǧan konsert josparlanǧan.
«Ūlttyq qūndylyqtarymyzdy nasihattap, el ışınde keŋınen taratyp, därıpteu maqsatymen ötetın merekelık baǧdarlamada – besık jyrynan bastap salt-dästür änderı, halyqtyq jäne Qazaqstan kompozitorlarynyŋ ūlttyq naqyştaǧy änderı, ūlttyq bilerı oryndalady», – dedı Nūran Kamzin.
17 nauryzda «Bäiterek» monumentınıŋ alaŋynda ūlttyq kiım kigen jastardyŋ neke qiiu saltanaty ötkızıledı. Al, aqsaqaldar men köpbalaly analar «Nauryz bata» beredı dep josparlanǧan. 19 nauryz künı saǧat 16:00-de Beibıtşılık jäne kelısım saraiynda «Nauryz ūlttyq syilyǧynyŋ» marapattau räsımı ötedı. Ūlttyq öner men dästürdı nasihattauǧa arnalǧan «Nauryz» Ūlttyq syilyǧy biyl 9 atalym boiynşa tabystalady. 20 nauryzda «Arǧymaq» sport keşenınde ūlttyq sport türlerınen jarys ūiymdastyrylmaq.
«21-24 jäne 29-31 nauryz aralyǧynda Quyrşaq teatrynda «Nauryz-Duman» quyrşaqtar şouy ötedı. Sondai-aq 14 nauryz Körısı künı – Amal merekesınen bastau alyp ärbır künnıŋ taqyryptyq ıs-şaralarmen tolyqtyrylady. Nauryz meiramyn merekeleu aiasynda barlyq alaŋda kiız üiler tıgılıp, altybaqandar ornatylady. Sonymen qatar ūlttyq sport oiyndary ötkızıledı», – dep habarlady Astana qalasy mädeniet basqarma basşysynyŋ orynbasary.
