15 aqpan Auǧanstannan Keŋestıŋ şekteulı äskeri kontingentın şyǧaru künıne orai 50 AEK mölşerınde (184 600 teŋge) qarajat tölenedı. Būl turaly Astana qalasynyŋ Jūmyspen qamtu jäne äleumettık qorǧau basqarmasy mälımdedı, dep habarlaidy astana-akshamy.kz
Mälımet boiynşa, 2024 jyldyŋ 15 aqpanynda Keŋes äskerlerınıŋ Auǧanstan jerınen şyǧarylǧanyna 35 jyl tolady.
Osyǧan orai elordada Auǧanstandaǧy ūrys qimyldarynyŋ ardagerlerı bırqatar äleumettık qoldau şaralarymen qamtylady.
Atap aitqanda:
• qalalyq jolauşylar kölıgınde jeŋıldıktı jol jüru;
• tegın därı-därmekpen qamtamasyz etu;
• ekı jylda bır ret tıs protezdeu qyzmetterı;
• ai saiyn kommunaldyq qyzmetter üşın 4,5 AEK mölşerınde (16 614 teŋge) aqşalai ötemaqy.
«Sonymen qosa 15 aqpan Auǧanstannan Keŋestıŋ şekteulı äskeri kontingentın şyǧaru künıne orai 50 AEK mölşerınde jylyna bır rettık tölem berıledı», – delıngen habarlamada.
Aita keteiık, elordada bügınde 1210-nan astam Auǧan ardagerı tūrady.
