Astanada aulalar men qoǧamdyq keŋıstıkterdı abattandyru jūmysy qarqyndy jürıp jatyr. Qala äkımı Jeŋıs Qasymbek osy jyly 170 aula men qoǧamdyq keŋıstık abattandyrylǧanyn, olardyŋ bır bölıgı qazırdıŋ özınde aiaqtalyp qalǧanyn aitqan bolatyn.
Halyqaralyq balalardy qorǧau künıne orai elordada 20-dan astam aula men qoǧamdyq keŋıstık aşyldy. Astananyŋ Almaty, Baiqoŋyr, Esıl, Nūra jäne Saryarqa audandarynda abattandyru jūmysy auqymdy jürude.
Biyl Baiqoŋyr audanynda 44 aula aumaǧy men 6 qoǧamdyq keŋıstıktı abattandyru josparlanyp otyr. Onyŋ ışınde 22 aula «Halyq qatysatyn biudjet» jobasy boiynşa jüzege asady. Bügıngı taŋda 3 aula abattandyrylyp, tūrǧyndar igılıgıne berıldı. Sonymen qatar 70 aula aumaǧynda jöndeu-qalpyna keltıru jūmysy jürgızıledı. Bögenbai batyr daŋǧylyndaǧy qoǧamdyq keŋıstıkte abattandyru jūmysy aiaqtaluǧa jaqyn. Qazırgı taŋda atalǧan aumaqta asfalt jabynyn töseu jūmysy jürgızılude. «Öndırıs» tūrǧyn alabynda būryn-soŋdy mülde abattandyrylmaǧan Taiburyl köşesı, 7A mekenjaiynda abattandyru jūmysy jürgızıldı. Atalǧan aula aumaǧynda balalar oiyn alaŋqaiy, sport alaŋy jailastyrylady, sondai-aq tūrǧyndardyŋ yŋǧailylyǧy üşın kespe tastardan trotuar töseledı.
Almaty audanynda taǧy bır jaiau jürgınşıler keŋıstıgı paida bolady. Qazırgı uaqytta Aqbūlaq özenınıŋ jaǧasynan B.Momyşūly daŋǧylyna deiın sozylyp jatqan audannyŋ maŋyzdy arteriiasy – Täuelsızdık daŋǧylynyŋ jaiau jürgınşıler keŋıstıgın damytu boiynşa jūmys jalǧasuda. Sondai-aq Täuelsızdık daŋǧyly, 6/1 jäne Täuelsızdık daŋǧyly men Küişı Dina köşesınıŋ qiylysynda taǧy 2 skverdı abattandyru belsendı jürude. Jūmystarǧa tūrǧyndarǧa jaily demalys oryndaryn qamtamasyz etu üşın köleŋkelı şatyrlar jasau kıredı. Erekşe qoldaudy qajet etetınder üşın kedergısız orta qūrylady, būl olarǧa jaiau jürgınşıler aimaqtarynda erkın jüruge mümkındık beredı. Jaǧymdy atmosfera men jaily ortany qamtamasyz etu üşın kögaldandyruǧa jäne köleŋkelı şatyrlar jasauǧa erekşe nazar audarylady. Sondai-aq Almaty audanynda 2 qoǧamdyq keŋıstıktı: T.Jürgenov köşesı men Aqbūlaq özenınıŋ jaǧalauyn abattandyru jūmysy qatar jürude.
Nūra audanynyŋ aumaǧyndaǧy «Jaǧalau» şaǧyn audanynda 18 gektar aumaqty keşendı abattandyru jürgızılude. Jūmys aiasynda 2 skver jäne 7 balalar alaŋy abattandyrylady. Jol infraqūrylymyn jaqsartu üşın 20 beinebaqylau kamerasy, 150 saiabaq jaryqtandyru tıregı 150 qosymşa tūraq ornyn jabdyqtap, jöndeidı, 9 şaqyrym trotuar jelısın salady. Abattandyru aumaǧynda jäne ırgeles köşelerdıŋ boiynda 1125 aǧaş otyrǧyzyldy. Jūmystar 10 myŋnan astam astanalyq tūratyn 19 üidıŋ aulasynda jürude. Sonymen qatar biyl osy audanda 3 gülzar ornatylady. Būryn sauda ortalyqtarynyŋ qūrylysy josparlanǧan Tūran daŋǧylynda jüzdegen jasyl alaŋy bar 2 jaŋa qoǧamdyq keŋıstık paida bolady. Sondai-aq EK-32 köşesınde türıkmen aqyny Mahtumkulidıŋ qūrmetıne saiabaq salynyp, oǧan eskertkış ornatylady.
Saryarqa audanynda «Halyq qatysatyn biudjet» jobasy aiasynda D.Babataiūly köşesındegı 6, 8, 14, 16, 18 jäne Keŋ dala köşesı, 2 üilerdıŋ aulalary kürdelı jöndeuden öttı. Osy jyly audan aumaǧynda qazırgı zamanǧy jailylyq pen qauıpsızdık standarttaryn eskere otyryp, Iýbileinaia köşesı, 22 jäne Jeŋıs daŋǧyly, 34 mekenjaiy boiynşa 2 jaŋa qoǧamdyq keŋıstık paida bolady.
Esıl audanyndaǧy «Prigorodnyi» tūrǧyn alabynda Qabanbai batyr daŋǧyly, 105 jäne Qabanbai batyr daŋǧyly 105 «A» mekenjaiy boiynşa aula aumaqtary aşyldy. Sondai-aq bırqatar mekenjai boiynşa jöndeu-qalpyna keltıru jūmysy jürgızılude.
