Keŋes äskerlerınıŋ Auǧanstan jerınen şyǧarylǧanyna 35 jyl. Osy atauly kün qarsaŋynda Baiqoŋyr audany audany J.Jabaev atyndaǧy №4 mektep-gimnaziiasynda Auǧan soǧysynyŋ ardagerlerımen kezdesu öttı, dep habarlaidy astana-akshamy.kz.
Kezdesuge zeinetker, Täjık-Auǧan şekarasy äskeri ıs-qimyldarynyŋ ardagerı Marat Tūrabaev, maior Arman Ospanov, Auǧan soǧysynyŋ ardagerı, äskeri daiyndyq jetekşısı Nūraly Äubäkırov qatysty.
Ardagerlerımızdıŋ ärbır sözı, ärbır ıs-äreketı – keiıngı ūrpaqqa ülgı. Osy maqsatta Auǧan soǧysy ardagerlerı özderınıŋ basynan ötken qiyn-qystau künderden, jauyngerlık jyldarynan estelıkter aityp, äskerdegı qyzmet jolynan bıraz äŋgıme tarqatyp, oquşylardy Otandy süiuge, oǧan adal qyzmet etuge şaqyryp, jas örenderımızdıŋ patriottyq sezımderın arttyra tüstı.
Kezdesu barysynda belsendı oquşylar Auǧan soǧysyna qatysqan batyr jerlesterımızge sūraqtaryn qoiyp, pıkır almasty. Sonymen qatar balalar öz önerlerın ortaǧa salyp, jyrdan şaşu şaşty.
