Elordanyŋ Baiqoŋyr audanynda bırınşı ret «Käsıpkerler künı» bastau aldy, dep habarlaidy astana-akshamy.kz.
Atalǧan ıs-şaranyŋ maqsaty – käsıpkerlerdı qoldau jäne olardyŋ tüitkıldı mäselelerın ortaǧa salyp, jüielı şeşımın tabu. Jiynǧa Astana qalasynyŋ İnvestisiialar jäne käsıpkerlıktı damytu basqarmasy, qalalyq säulet, qala qūrylysy jäne jer qatynastary basqarmasy, qalalyq Jer resurstaryn basqaru departamentı, qalalyq energetika basqarmasy jäne qalalyq kommunaldyq şaruaşylyq basqarmasynyŋ ökılderı qatysty.
Olardyŋ arasynda bırqatar ırı önerkäsıptık käsıporyndar da boldy. Mäselen, «Rainbow Logistic» JŞS – azyq-tülık emes tauarlardy (astyq pen mūnaidan basqa) saqtau salasyndaǧy eŋ ırı käsıporyndardyŋ bırı. Olardyŋ tarapynan elektrmen, gazben jabdyqtauǧa jäne nöser aǧyndaryna tehnikalyq şarttardy alu mäselesı köterıldı. Kelesı «A-stal Aziia» JŞS – jalǧa beru jäne jalǧa berıletın jyljymaityn mülıktı paidalanu salasyndaǧy qyzmet. Olar jer uchaskesın alu jäne baǧdarşam ornatu mäselesın köterdı. Al «ABK Beton» JŞS – tauarlyq beton öndırısı, qūrylys alaŋdaryna beton-erıtındı önımderın öndırumen jäne jetkızumen ainalysady. Beton zauytyna jer uchaskesın alu mäselesın ortaǧa saldy. «Amitech Astana» JŞS – plastmassa plitalar, qūbyrlar men profilder öndırısı. Joldy keŋeitu mäselesı, jylu trassasynyŋ qūbyrlaryn tasymaldau mümkındıgı mäselelerın aitty. «Ekoton+» AQ – avtoklavty qataitylǧan ūialy betonnan (gazobloktardan) jasalǧan būiymdar şyǧaratyn kompaniialar toby. Şikızatty tüsıru jäne jöneltu üşın nöser kärızderınıŋ aǧyndary boiynşa bırqatar sūraqtar köterdı. «BERTYS MACHINERY» JŞS – polietilen nemese bolat gidroqorǧau qabyǧy bar poliuretandy köbık jylu oqşaulauynda bolat qūbyrlar men fasondy bölşekterdı öndıruge mamandanǧan joǧary ǧylymi-tehnikalyq jäne tehnologiialyq äleuetı bar käsıporyn. Olar kırme jol mäselesı boiynşa, elektr jelılerı boiynşa jügındı. «Botestamyr» JŞS-kırpış, cherepisa jäne küidırılgen sazdan jasalǧan özge de qūrylys būiymdaryn öndıru salasyndaǧy qyzmet. Jol jäne jylytu jäne zauytqa baratyn avtobus mäselesın aitty.
Atalǧan «Käsıpkerler künı» endı är aptanyŋ särsenbısınde tūraqty türde ötkızılıp tūratyn boldy.
Qabyldauǧa jazylu üşın jäne qosymşa sūraqtar boiynşa tömendegı bailanys nömırıne habarlasuǧa bolady: +7 (771) 164-05-15
