Astanada renovasiia baǧdarlamasy aiasynda apatty jaǧdaidaǧy tūrǧyn üiler jaŋasyna auystyryluda, dep habarlaidy astana-akshamy.kz
Soǧan säikes Baiqoŋyr audanynyŋ tūrǧyndary zamanaui päterlerge köşetın boldy.
Jaŋartu Baiqoŋyr audanynyŋ ortalyq bölıgındegı 240 gektardy qamtidy. Irı qūrylys saluşylarmen uaǧdalastyqqa qol jetkızıldı. Renovasiia baǧdarlamasyna bırqatar investorlar tartylyp, tiıstı jūmystar bastaldy.
Baiqoŋyr audany äkımdıgınıŋ ökılderı käsıpkerlermen bırge audan tūrǧyndarymen kezdesıp, osy jūmystardyŋ auqymyn talqylady.
«Eskı tūrǧyn üi mäselesın şeşude käsıpkerlerdıŋ äleuetın jūmyldyru jäne jeke qūrylys saluşylardyŋ investisiialyq belsendılıgın yntalandyru qajet. Osylaişa, apatty jäne tozyǧy jetken tūrǧyn üi mäselelerı bırlesken küş-jıgermen şeşıletın bolady. Nätijesınde qalanyŋ ortalyq bölıgımen bırge onyŋ şetı de damidy, tiısınşe qalanyŋ eskı bölıgınıŋ kelbetı de özgeredı», – dep tüsındırdı astanalyq Baiqoŋyr audanynyŋ äkımı Talǧat Rahmanberdı.
Audannyŋ ortalyq bölıgın qamtityn bırınşı kezeŋ üşın 240 gektardan astam jer taŋdaldy. Qūrylysqa BI-Group, «Moi dom» jäne Galamart siiaqty ırı kompaniialar qatysady.
Egemen Qazaqstan men Kenesary, İmanov pen Beisekbaeva, Taha Husein men Täşenev köşelerınıŋ qiylysynda jūmystar bastaldy.
«Qalany jaqsartudyŋ maŋyzdy qūramdas bölıgı – qalanyŋ eskı audandaryn jaŋartuǧa jäne jaŋǧyrtuǧa baǧyttalǧan renovasiialyq baǧdarlama, būl qala tūrǧyndarynyŋ ömır süru sapasyn edäuır arttyruǧa mümkındık beredı», – dedı «Astanabasjospar» ǦZİ direktorynyŋ orynbasary, säuletşı Altynbek Rysbaev.
Aita keteiık, «Astanabasjospar» ǦZİ JŞS audandyq äkımdıktermen bırlesıp ıske asyratyn jaŋartu baǧdarlamasy 2024 jyly 60 apatty üidıŋ (şamamen 4200 adam) tūrǧyndaryn 1400 jaŋa päterge köşırudı közdeidı.
Jergılıktı tūrǧyndarmen kezdesu barysynda «Moi dom» ökılı Aibek Eseev kompaniia olardyŋ apattyq mülkın tiıstı zaŋnama şeŋberınde, baǧalaudan keiın jäne özara kelısım boiynşa satyp aluǧa daiyn ekenın atap öttı.
Astananyŋ tūrǧyn üi qoryn jaŋǧyrtu men renovasiianyŋ 2028 jylǧa deiıngı memlekettık baǧdarlamasy aiasynda Baiqoŋyr audanynda Asan Qaiǧy köşesınde alty jolaqty jol salu basym baǧyt bolyp sanalady. Jol Amman köşesınen Taha Husein köşesı arqyly Alaş tas jolyna deiın sozylady, iaǧni joǧaryda atalǧan investorlardyŋ kömegımen oŋ jäne sol jaǧalaudy tıkelei bailanystyrady.
Öz tarapynan audan äkımdıgı öz jobalaryn ıske asyratyn jäne Baiqoŋyr audanynda jaŋa infraqūrylym qalyptastyratyn jergılıktı nemese şeteldık investorlardy qoldauǧa daiyn ekendıgın bıldırdı.
