Qazaqstanda balalarǧa sudaǧy qauıpsızdık mäselelerı boiynşa belsendı türde nūsqau berıledı, dep habarlaidy astana-akshamy.kz.
Premer-Ministrdıŋ töraǧalyǧymen ötken Ükımet otyrysynda vedomstvo basşysy Ǧani Beisembaev oqu-aǧartu ministırlıgı balalardyŋ sudaǧy qauıpsızdıgın qamtamasyz etu boiynşa qandai şaralar qabyldaǧanyn aitty.
Memlekettık jalpy bılım berudıŋ mındettı standarttary aiasynda balabaqşalarda oiyn, praktikalyq sabaqtar ötkızu, animasiialyq rolikter körsetu arqyly sudaǧy qauıpsızdık sabaqtary öttı.
Mektepterde 4 pän boiynşa jalpy 38 sabaq qauıpsızdık taqyrybyna arnalǧan. Sonymen qatar biylǧy oqu jylynda 2 327 tiıstı synyp saǧaty ūiymdastyryldy.
Qauıpsızdık nūsqaulyqtary, onyŋ ışınde suǧa tüsudegı qauıpsızdık daǧdylary qamtylǧan «Senıŋ quanyşqa toly jazǧy demalysyŋ» atty GUIDEBOOK mektep oquşylaryna taratyldy.
Al, jaŋa oqu jylynan bastap barlyq mektepterde 1-11 synyp oquşylaryna, synyp saǧattary aiasynda apta saiynǧy qauıpsızdık sabaqtary engızıledı.
Būdan bölek biyl osy taqyrypta synyptan tys 1852 interaktivtı aşyq sabaq jäne 1162 oqu-jattyǧu ötkızıldı.
Bügınde bılım beru ūiymdarynda 10476 qauıpsızdık būryştary ornatylǧan, 2800 «Jas qūtqaruşy» üiırmelerı jūmys ısteidı.
– Jaz mezgılınde barlyq öŋırlerde emlekettık organdar men äkımdıkter ökılderınıŋ bırlesken monitoringtık toptary qūryldy. Monitoring toptar su qoimalarynyŋ janynda ornalasqan qala syrtyndaǧy 31 lagerler men 127 basseinderdı qauıpsızdık tūrǧysynan zerdeledı, olarǧa sanitarlyq baqylau küşeitıldı.
– Jazǧy demalysty ūiymdastyruşylarǧa arnalǧan balalar qauıpsızdıgın qamtamasyz etu taqyrybynda respublikalyq 3 seminar-keŋes ötkızıldı.
– Jalpy, jazataiym oqiǧalardyŋ 95% şomyluǧa tyiym salynǧan jerlerde oryn alady. Osyǧan bailanysty memlekettık organdar men äkımdıkter suǧa tüsuge tyiym salynǧan jäne rūqsat etılgen oryndardyŋ tızımın jaŋartyp, qūtqaru kezekşılıgın ūiymdastyryp, eskertu belgılerın ornatu jūmystaryn küşeituı qajet.
