Astanada biyl 170 aula men qoǧamdyq keŋıstık abattandyrylady, dep habarlaidy astana-akshamy.kz
Būl jūmys qalanyŋ barlyq audanyn, onyŋ ışınde tūrǧyn alaptardy da qamtidy. Qazır mejelengen jūmystyŋ bır bölıgı aiaqtaldy.
Halyqaralyq balalardy qorǧau künınde elordanyŋ bes audanynda jaŋadan 20-dan astam aula men qoǧamdyq keŋıstık aşyldy. Būl turaly merekemen qūttyqtaǧan Astana qalasynyŋ äkımı Jeŋıs Qasymbek Instagram paraqşasynda mälım ettı.
«Halyqaralyq balalardy qorǧau künımen qūttyqtaimyn! Ärbır bala daryndy jäne talantty. Är otbasyǧa, är balaǧa zor densaulyq, amandyq jäne bastamalaryna sättılık tıleimın!
Balalarymyz ben olardyŋ ata-analaryna merekelık köŋıl küi syilauǧa tyrystyq. Ärbır audanda türlı ıs-şaralar ötıp jatyr, onyŋ barysynda bügın taǧy 20-dan astam aula men qoǧamdyq keŋıstık aşyp jatyrmyz.
«Elorda daryndary» respublikalyq, halyqaralyq olimpiadalar men ǧylymi jobalar konkurstarynyŋ jeŋımpazdarymen jäne jüldegerlerımen kezdestım. Oquşylardyŋ jeŋısterı – olardyŋ toqtausyz ızdenısınıŋ, sol siiaqty ūstazdary men ata-analarynyŋ qoldauynyŋ nätijesı. Är balanyŋ ömırden öz jolyn tabuy, talanty men qabıletın, äleuetın barynşa aşa bıluı öte maŋyzdy.
Memleket basşysy aitqandai, «jas azamattardyŋ qūqyǧyn qorǧap, densaulyǧyn saqtau memlekettıŋ basty basymdyǧy sanalady».
Bız ne ıstesek te, balalarymyzdyŋ igılıgı üşın jasaimyz. Öitkenı, Qazaqstannyŋ bolaşaǧy – öskeleŋ ūrpaqtyŋ qolynda. Mereke qūtty bolsyn! Jas ūrpaqtyŋ şyǧar şyŋdary, baǧyndyrar belesterı köp bolsyn!» – dep jazdy Jeŋıs Qasymbek.
Aulalardyŋ aşyluy merekege orai saltanatty türde atalyp öttı. Barlyq aula aumaqtarynda kışkentai tūrǧyndar üşın futboldan turnir ötkızıldı.Üzdık oiynşylar men komandalarǧa arnaiy syilyqtar jäne diplomdar tabystaldy.
Sondai-aq, türlı animatorlardyŋ qatysuymen oiyn-sauyq ūiymdastyryldy. Şaraǧa tanymal elordalyq sportşylar da qatysyp, balalar men tūrǧyndardy merekemen qūttyqtady.
Mäselen, Nūra audanynda Qyz Jıbek köşesı, 32 mekenjaiynda tūrǧyndarǧa arnalǧan zamanaui standarttar boiynşa jabdyqtalǧan balalar alaŋy bar aula aşyldy, mūnda şyrşa aǧaşy otyrǧyzyldy, sol siiaqty work out aumaǧy men üidıŋ aumaǧy abattandyryldy.
Biyl audanda barlyǧy 17 aula jaŋartylady, sondai-aq 65 aulada jöndeu-qalpyna keltıru jūmystary jürgızıledı. Sonymen qatar, biyl Nūra audanynda 3 gülzar ornatylady.
Al Baiqoŋyr audanynda mereke künı alǧaşqy abattandyrylǧan aulalar tūrǧyndar igılıgıne tapsyryldy. Olar Bögenbai batyr daŋǧyly, 54; Abai daŋǧyly, 71 jäne Respublika daŋǧyly 10, 10/1 meken-jailaryndaǧy aula aumaqtary.
Aita keteiık, Abai daŋǧyly, 71 meken-jaiynda 13 jyldan berı abattandyru jūmystary jürgızılmegen. Aǧymdaǧy jyly osy üidıŋ tūrǧyndary «Halyq qatysatyn biudjet» jobasy arqasynda öz aulalaryn abattandyruǧa qatysuǧa mümkındık aldy. Sondyqtan būl mereke – tek balalar üşın ǧana emes tūrǧyndar üşın de asa maŋyzdy.
Aǧymdaǧy jyly «Baiqoŋyr» audanynda barlyǧy 44 aula aumaǧy, 6 qoǧamdyq keŋıstık jaŋadan abattandyrylatyn bolady. Būdan bölek, 70 aula aumaǧynda jöndeu-qalpyna keltıru jūmystary jürgızıledı.
Aita keteiık, Baiqoŋyr audanynda ötken jyly auqymdy abattandyru jūmystary jürgızılgen bolatyn. Onyŋ aiasynda barlyǧy 11 qoǧamdyq keŋıstık jailastyryldy.
Atap aitar bolsaq:
1. «Jurnalister» alleiasy;
2. Kenesary-Egemen Qazaqstan köşelerınıŋ qiylysyndaǧy gülzar;
3. Kenesary-Beisekbaev köşelerınıŋ qiylysyndaǧy gülzar;
4. Kenesary köşesı, 73 üiınıŋ aumaǧyndaǧy gülzar;
5. Kenesary köşesı, 77 üiınıŋ aumaǧyndaǧy gülzar;
6. «Aqbūlaq» özenınıŋ jaǧalauy (Amman köşesınen Täuelsızdık daŋǧylyna deiın) jäne J.Jabaev saiabaǧy;
7. «Aqbūlaq» özenınıŋ jaǧalauy (Abylaihan daŋǧylynan Ş.Qūdaiberdıūly daŋǧylyna deiın;
8. «Öndırıs» tūrǧyn alabyndaǧy Üşqoŋyr köşesındegı ortalyq keŋıstık.
9. Uälihanov köşesı boiynda jaia jürgınşıler kenŋıstıgın qaita jaŋartu (A.Barave köşesınen S.Seifullin köşesıne deiın);
10. «Aqbūlaq» özenınıŋ jaǧalauy (Puşkin köşesı6 2,4,6 üilerı men Täuelsızdık daŋǧylynyŋ aralyǧy), (M.Gandi eskertkışınıŋ aumaǧy);
11. «Aqbūlaq» özenınıŋ jaǧalauy («Sinagoga» syiynu üiı men Belasar köpırınıŋ aralyǧyndaǧy gülzar);
Atalǧan 11 keŋıstık elorda tūrǧyndarynyŋ demalysy üşın taptyrmas oryndarǧa ainalmaq.
Balalardy qorǧau künı Saryarqa audany özınıŋ kışkentai tūrǧyndaryn oiyn-sauyq pen demalu üşın süiıktı oryndaryna ainalǧan aulalaryn jaŋartuymen quantty. «Halyq qatysatyn biudjet-2024» jobasy aiasynda D.Babataiūly köşesı, 6, 8, 14, 16, 18 jäne Kendala köşesı, 2, Botaly köşesı, 26 mekenjailaryndaǧy aulalar kürdelı jöndeuden öttı.
Kürdelı jöndeu jürgızılgen aulalarda jaŋa rezeŋke jabyn jailastyrylyp, oiyn elementterı jaŋartyldy, sport alaŋdary men futbol alaŋdary jabdyqtaldy. Jobalar öz bastamalaryn ıske asyruǧa eleulı üles qosqan tūrǧyndardyŋ ötınışterı negızınde ıske asyryldy. Sonymen qatar, aǧymdaǧy jyly «Halyq qatysatyn biudjet-2024» jobasy boiynşa 30 aulany abattandyru josparlanǧan.
Jöndelgen aulalardyŋ resmi aşyluynan keiın balalar özderınıŋ süiıktı multfilm keiıpkerlerımen kezdesıp, oiyndar men baiqaularǧa qatysyp, syilyqtar aldy.
Audandy abattandyru jūmystary tek aulalarmen şektelmeidı. Aǧymdaǧy jyly Bırjan sal, Gete, Qūtpanov köşelerı men Respublika daŋǧylyn qaita jöndeu josparlanǧan. Jaŋa köşe jihazdary ornatylyp, eskı jaryq tırekterın jaŋasymen almastyra otyryp, qosymşa jaryqtandyru jürgızıledı.
Sondai-aq, biyl Saryarqa audany aumaǧynda Iýbileinaia köşesı, 22 jäne Jeŋıs daŋǧyly, 34 mekenjailary boiynşa ekı jaŋa qoǧamdyq keŋıstık paida bolmaq. Qazırgı zamanǧy jailylyq pen qauıpsızdık standarttaryn eskere otyryp abattandyrylatyn bolady
Sonymen qatar, jaŋartylǧan «Aqjaiyq» saiabaǧynyŋ resmi aşyluy öttı. Būl tynymbaqqa osy jyly kürdelı jöndeu jürgızıldı. Endı būl oryn barlyq tūrǧyndar üşın jaily demalu aimaǧy jäne oiyn alaŋyna ainalmaq. Balalardy qorǧau künıne orai konsert, köŋıldı animatorlar men balalarǧa syilyqtar ūiymdastyryldy.
Almaty audanynda Balalardy qorǧau künıne orai jaŋadan 7 aula aşyldy
«Halyq qatysatyn biudjet» baǧdarlamasy aiasynda abattandyrylǧan aulalar myna mekenjailar boiynşa ornalasqan: Mailin, 8, Küişı Dina, 44/1, Abylai han, 25, Jūmabaev, 12a jäne Müsırepov, 6/1, 6/2 6/3.
Aulalardyŋ aşyluy men Balalardy qorǧau künıne orai öskeleŋ ūrpaqqa arnalǧan konserttık baǧdarlama ūiymdastyrylyp, animatorlar şaqyryldy.
Būl aumaqtarda şaǧyn säulet nysandaryn, balalar oiyn keşenderın ornatu, aldyŋǧy baqtardy, oiyn alaŋdaryndaǧy jabyndardy auystyru, futbol jäne basketbol alaŋdaryn jöndeu, sondai-aq jaŋa sport alaŋdary men tūraq aimaqtaryn aşu sekıldı auqymdy jūmystar jürgızıldı. Sonymen qatar, qala tūrǧyndarynyŋ jailylyǧy üşın oryndyqtar men qoqys jäşıkterı ornatyldy.
Būl jobanyŋ erekşelıgı qos ätkenşek, teŋgergış ätkenşek, karusel jäne t.b. siiaqty ūlttyq stil elementterı bar şaǧyn säulet nysandaryn ornatu boldy. Öz kezegınde būl qala infraqūrylymyn damytudaǧy bıregei qadam boldy jäne Almaty audanynyŋ tūrǧyndaryna arnalǧan demalys üşın jaŋa mümkındıkter tuǧyzdy.
Aula aumaqtaryn abattandyrumen qatar, 3 qoǧamdyq keŋıstıktı abattandyru jūmysy da jürgızılıp jatyr:
1. Täuelsızdık daŋǧylynyŋ jaiau jürgınşıler bölıgın damytu (Aqbūlaq özenınıŋ jaǧalauynan B.Momyşūly daŋǧylyna deiın) – jaiau jürgınşıler bölıgın jailastyru, daŋǧyldy kögaldandyru jäne jaryqtandyru jūmystary jürgızılıpı jatyr. Täuelsızdık daŋǧyly boiynda mügedekter arbasyna taŋylǧandar üşın kedergısız orta qūrylady. Jaiau jürgınşılerge qolaily jaǧdai jasau üşın köleŋkelı şatyrlar jasau da nazarǧa alynǧan.
2. T.Jürgenov köşesın abattandyru (Ainaköl köşesınen J.Näjımedenov köşesıne deiın) – jaiau jürgınşılerge arnalǧan demalys aimaqtaryn jailastyra otyryp, jaiau jürgınşıler bölıgın jöndep, abattandyru jäne köşelerdı jaryqtandyru jūmystary jürgızılude. 6 myŋnan astam aǧaş jäne 44 myŋ būta otyrǧyzu josparlanyp otyr.
3. Aqbūlaq özenınıŋ jaǧalauyn abattandyru (Abylai han daŋǧylynan Amman köşesıne deiın) – qoǧamdyq keŋıstıktı abattandyru jūmystary jürgızılude, jūmystar aumaqty jaryqtandyru men kögaldandyrudy qamtidy.
Astanada Almaty audanynyŋ aumaǧynda biyl 50 aulany abattandyru josparlanyp otyr. Sondai-aq, taǧy 100 aulada jöndeu-qalpyna keltıru jūmysyn jürgızu josparda bar.
Esıl audanynyŋ «Prigorodnyi» tūrǧyn alabyndaǧy Qabanbai batyr daŋǧyly 105 jäne Qabanbai batyr daŋǧyly 105 «A» mekenjailarynda abattandyrylǧan ekı aula aumaǧynyŋ saltanatty aşyluy öttı.
Balalardy qorǧau künıne orai, kışkentai qonaqtar üşın konserttık baǧdarlama ūiymdastyrylyp, animatorlar şaqyryldy. Is-şaraǧa «Prigorodnyi» tūrǧyndary qatysty.
Aulalarda keşendı abattandyru jūmystary jürgızıldı, şaǧyn arhitekturalyq formalar qoiyldy. Jerge tartan jäne asfalt jabyny töseldı, ätkenşekter, karuselder, eŋ kışkentai büldırşınderge – qūmsalǧyştar, al eresekterge – sporttyq trenajerler ornatyldy. Aulalarda oryndyqtar men qoqys jäşıkterı de qoiyldy.
Aǧymdaǧy jyly taǧy 7 aulada jöndeu-qalpyna keltıru jūmystary jürgızıledı.
Sondai-aq, biyl Esıl audanynda «Halyq qatysatyn Biudjet» jobasy boiynşa eŋ köp dauys jinaǧan 4 joba ıske asyrylatyn bolady. Olar:
1. Almaty köşesı, 13 «Otandastar» TK, «Otandastar TK aulasyn abattandyru» jobasy;
2. Saraişyq köşesı, 5/1, «Balalar alaŋy men aula aumaǧyn qaita qūru» jobasy;
3. Qabanbai batyr daŋǧyly, 42, «İnfiniti 2» TK, «Baqytty balalyq şaq» jobasy;
4. Qabanbai batyr daŋǧyly, 40, «İnfiniti 1» TK.
Aula aumaqtaryn ūiymdastyrumen qatar, qoǧamdyq keŋıstıkterde de jūmystar jürgızılude. Mäselen, Botanikalyq baqta velo jäne jügıru joldaryn auystyru, eskırgen tösenışterdı qaita töseu, köpırdı boiau jūmystary jürgızılude. Sonymen qatar, bükıl Botanikalyq baqta jaryqşamdar qalpyna keltırıledı. Sport alaŋdary jäne t.b. jaŋartylady.
Aǧymdaǧy jyly Astanada barlyǧy 170 aula men qoǧamdyq keŋıstık abattandyrylady. Jūmystar qalanyŋ barlyq audandarynda, onyŋ ışınde tūrǧyn alaptarynda da jürgızılude. Qazırgı uaqytta jūmystardyŋ jarty bölıgı aiaqtaldy.
