Soŋǧy kezderı äleumettık jelıde bır qytai äieldıŋ Qazaqstanda qytailarǧa jer saudalap jürgen videosy tarady. Ärine, Qazaqstanda jer saudasy qazır qyzyp tūrǧanymen, älgı äieldıŋ astamsi söilegenı bızge bıraz oi saldy.
-Myna jerge 100 myŋ dollar jūmsa da, bıraz qazaqty äkep qoi baqtyryp qoi. Taǧy bıraz aqşa jūmsap jerdı qorşap, 1000 qoi baqtyrsaŋ, malyŋnyŋ basy bırer jylda 10 myŋǧa jetedı, – dep aqylgöisıp tūr. Äsırese, onyŋ qazaqty «qasa» (Qytaida qazaq ūltyn būlai aitu kemsıtu sanalyp, olai aituǧa tyiym salynǧan) dep kemsıte söilegenı, onyŋ sözın qostaǧan äldekımnıŋ «qazaqtan 8 qatyn alyp qoi baqtyryp qoi» dep daraqylana külgenı şymbaiymyzǧa batty.
Qazaqstanǧa kelıp, ärtürlı jolmen azamattyq alyp, jaǧdaiy jaqsarǧannan keiın özınıŋ kım ekenın, qaidan kelgenın ūmytyp ketetın keudemsoqtar az emes. «Atamnyŋ şoty asa-asa tiedı» degendei, olar tıptı keide qazaq ūltyn qaralauǧa, saiqymazaqqa ainaldyruǧa deiın barady. Ötken jyldyŋ soŋynda özbek azamatynyŋ küllı qazaqty sypyra boqtap, basşylarǧa deiın tıl tigızgenı – sonyŋ aiǧaǧy. Oǧan zaŋmen tyiym salyp, qataŋ şara qoldanbaǧannan keiın, köbı auzyna kelgenın ottap alady da, soŋynan keşırım sūrap qūtylady. Qoǧamda mūndai jaǧdaidyŋ etek aluyna, bastysy, memleket qūruşy tūlǧalyq ūlt – qazaq halqynyŋ müddesı eskerılmeuı sebep bolyp otyr. Öitkenı ūlttyŋ ruhyn, memlekettıŋ bedelın saqtau jaǧy zaŋda qarastyrylmaǧan.
Bilıktıŋ aitqanyna sensek, Qazaqstanda şeteldıkterge jer satylmaidy. Bıraq Qazaqstan azamatyna üilenıp nemese tūrmysqa şyǧyp, 5 jyldan keiın azamattyq alǧandardyŋ jer satyp aluyna şekteu joq. Demek, joǧarydaǧy äiel de osyndai jolmen azamattyq alyp, odan soŋ jer alǧan boluy mümkın. Onyŋ qanşalyq jer alǧanyn, oǧan qanşa jerlesterın şaqyryp ornalastyryp qoiǧanyn tekserıp, baqylap anyqtap, «Palestinadaǧy jer satuǧa qūnyqqan arabtardyŋ aiaǧyn qūşpaiyq» dep saqtyq jasap otyrǧan mekeme bar ma? 10 şaqty jyl būryn ala dorba süiretıp kelgen äieldıŋ bügıngı taŋda Almatynyŋ ortasyndaǧy ülken bazardyŋ qojaiynyna ainalǧanymen qoimai, bügın şeteldıkke jer saudalap jürgenın qalai tüsınuge bolady? Ol azamattyqty qalai aldy? Qandastardyŋ özı äzer alatyn azamattyq aqşaly şeteldıkterge satylyp, ol äldekımderdıŋ biznesıne ainalyp ketken joq pa? Bızdı osy sūraular alaŋdatady.
Ärine, BŪŪ moiyndaǧan, şekarasy şegendelgen bızdıŋ elge eşkım äsker şyǧaryp, aşyq basyp almas, bıraq bügın jalbyzdap kırıp, erteŋ jaǧaŋa jarmasatyn jau joq dep eşkım aita almaidy. Bügın bızdıŋ eldıŋ azamattyǧyn alyp, saudasyn döŋgeletıp otyrǧan adam erteŋ sailauǧa qatysyp bilıkke keluı de bek mümkın. Eldıŋ ışkı saiasatyna yqpal etu üşın oǧan syrttai süieu bolatyndar da tabylady. Bızdıŋ bilık osy ūzaq bolaşaqtyq mäselenı eskerıp, etegın qymtai ūstaǧany jön dep sanaimyz.
