Belsendı ūzaq ömır süru ortalyǧynyŋ «Esıl» audany boiynşa äleumettık qyzmet körsetu bölımınde BAQ ökılderınıŋ käsıbi merekesıne orai «Jurnalist – jarqyn ıster jarşysy» atty mädeni ıs-şara ūiymdastyryldy, dep habarlaidy astana-akshamy.kz
Qazaqstan jurnalisterınıŋ künıne orailastyrylǧan ıs-şaraǧa BAQ ökılderı men ardager jurnalister qatysty.
Is-şarada Belsendı ūzaq ömır süru ortalyǧynyŋ qyzmetın nasihattap, zeinetkerlerdıŋ belsendı ömır saltyn qalyptastyru ısıne tabandylyqpen üles qosyp kele jatqan bırqatar jurnalister marapattaldy.
Ortalyqtyŋ egde jastaǧy adamdar üşın atqaryp jatqan igı ısterın BAQ-ta belsendı jariialap jürgen «Qazaq radiosynyŋ» redaktor-jürgızuşısı Janbolat Şäkımnıŋ, «Egemen Qazaqstan» respublikalyq gazetınıŋ aǧa tılşısı Eskendır Zūlqarnaidyŋ, «Bag.kz» aqparattyq agentıgınıŋ aǧa tılşısı Güljan Ramanqūlovanyŋ, «Aiqyn» gazetınıŋ tılşısı Nūrlan Orazǧalievtıŋ, «Qazaqstan» ūlttyq telearnasynyŋ «Taŋşolpan» aqparattyq-sazdy baǧdarlamasynyŋ şyǧarmaşylyq ūjymynyŋ jetekşısı Argentina Jänıbektıŋ, «Astana akshamy» gazetınıŋ şoluşysy Amanǧali Qaljanovtyŋ jäne «Vecherniaia Astana» gazetınıŋ tılşısı Ekaterina Tyşenkonyŋ eŋbekterı erekşe atap ötıp, olarǧa syi-siiapatqa jasaldy.
Sonymen qatar merekelık şaraǧa Beibıtbek Äbdıkarimov, Qarlyǧaş Nigmetova men Äikerım Seisenbina syndy ardager-jurnalister şaqyrylyp, marapattaldy.
Jurnalister qauymyna Esıl audanynyŋ zeinetkerlerınen qūralǧan öner ūjymdary konsert körsettı. «Asyl mūra» dombyra orkestrı men «Esıl tolqyndary» ardagerler ansamblı än men küidı tartu ettı.
«Sızder arqyly Astana qalasynyŋ tūrǧyndary egde jastaǧy adamdardyŋ bas qosatyn, mädeni, sauyqtyru, zerıgu, demalys orny bar ekenı jäne zeinetkerler üşın körsetıletın tegın qyzmet türlerı turaly habardar boluda. Qazırgı taŋda otandyq BAQ ökılderı aǧa buyn ökılderınıŋ önegelı ısterı men ūrpaqtar sabaqtastyǧyn qalyptastyruda jastarǧa moraldyq-adamgerşılık tärbie beru ısın nasihattauda ülken röl atqarady» – dep jurnalister jūmysynyŋ maŋyzdylyǧyna toqtaldy Ortalyq direktory Mūhtar Erketaev.
Keş soŋynda Belsendı ūzaq ömır süru ortalyǧynyŋ qyzmetkerlerı men qyzmet aluşylarǧa jurnalisterdı käsıbi merekelerımen qūttyqtap, qyzmetterıne tabys tılep, oqyrmandar men tyŋdarmandardyŋ, körermenderdıŋ ystyq yqylasyna bölene berulerın tıledı.
