QR Ūlttyq kıtaphanasynda qazaq ädebietınıŋ klassigı, jazuşy Berdıbek Soqpaqbaevtyŋ 100 jyldyq mereitoiyna orai türık tılıne audarylǧan «Ölgender qaityp kelmeidı» kıtabynyŋ tūsaukeserı öttı, dep habarlaidy astana-akshamy.kz.
Is-şaraǧa TÜRKSOI halyqaralyq ūiymynyŋ Bas hatşysy Sūltan Raev, QR MAM Arhiv, qūjattama jäne kıtap ısı komitetınıŋ töraǧasy Rustam Äli, Türkiia Respublikasynyŋ Almaty qalasyndaǧy Bas konsuly Evren Muderrisoǧly, Almaty oblysy Mädeniet, arhivter jäne qūjattama basqarmasynyŋ basşysy Aliev Daniiar qatysty.
«Qazaqstan Respublikasynyŋ Mädeniet jäne aqparat ministrlıgı qoǧamdyq maŋyzy bar ädebietterdı basyp şyǧaru baǧdarlamasy aiasynda Berdıbek Soqpaqbaevtyŋ köptomdyq kıtabyn ekı ret basyp şyǧaryp, elımızdıŋ barlyq kıtaphanalaryna taratqan bolatyn. Körnektı jazuşynyŋ oqyrmandar sany artatyny quantady. Endı olardyŋ qataryn türık bauyrlarymyz da tolyqtyrady», – dedı Rustam Äli.
Is-şara aiasynda Berdıbek Soqpaqbaevtyŋ şyǧarmaşylyǧyna arnalǧan kıtap körmesı ūiymdastyryldy.
