Astana qalasynyŋ mektep oquşylary soŋǧy jyldary respublikalyq jäne halyqaralyq pän olimpiadalarynan jüldesız qaitqan emes. «Elordanyŋ bılım beru jüiesın damytudyŋ 2023-2029 jyldarǧa arnalǧan Jol kartasy» aiasynda qaladaǧy mektepter 100 paiyz elektrondy oqulyqtarmen qamtamasyz etılgen. Memleket basşysynyŋ tapsyrmasy boiynşa elordada 2029 jylǧa deiın 15 zamanaui qosymşa bılım beru mekemelerın salu josparlanǧan. Osyndai ılkımdı ıs-şaralardyŋ qolǧa alynuyna bailanysty oquşylardyŋ bılım sapasy da jyldan-jylǧa artyp keledı.
Jaqynda L.Gumilev atyndaǧy Euraziia ūlttyq universitetınde, Ä.Bökeihan atyndaǧy jäne A.Baitūrsynov atyndaǧy BINOM mektepterınde 9-11 synyp oquşylary arasynda respublikalyq olimpiadanyŋ qalalyq kezeŋı öttı. Keşe äl-Farabi atyndaǧy Oquşylar saraiynda atalmyş olimpiada jeŋımpazdary marapattaldy.
Olimpiadany ūiymdastyruşy «Astana daryny» daryndy balalar men talantty jastardy anyqtau jäne qoldau ortalyǧynyŋ mälımetınşe, biyl 762 elordalyq oquşy atalǧan bılım saiysynan jeŋımpaz atanǧan. Onyŋ ışınde 100 oquşy I oryn, 218 oquşy II oryn, 444 oquşy III oryndy ielendı.
«15 pän boiynşa dästürlı türde ötetın olimpiadaǧa qatysuşy elordalyq ziiatker şäkırtterdıŋ sany jyl saiyn artyp keledı. Biyl Astana qalasy audandary boiynşa 4000-ǧa juyq oquşy alǧaşqy kezeŋge qatysyp, olardyŋ arasynan 2000 bala kelesı kezeŋge joldama aldy. Onyŋ ışınen 762 jüldeger top jardy. I oryn alǧan ziiatker oquşylar respublikalyq kezeŋge ötedı, – dedı «Astana daryny» daryndy balalar men talantty jastardy anyqtau jäne qoldau ortalyǧynyŋ direktory Janar Bisembaeva.
