Astanada bır künde bes velosiped ūrlap, satyp jıbergen jasöspırımder anyqtaldy, – dep habarlaidy astana-akshamy.kz
Almaty audany PB jedel uäkılderı jedel ızdestıru ıs-şaralary barysynda velosipedterdı ūrlap satumen ainalysqan 14 jäne 15 jastaǧy kämeletke tolmaǧan ekı balany anyqtady. Qazırgı uaqytta jasöspırımderdıŋ 5 velosiped ūrlauǧa qatysy bar ekendıgı belgılı boldy.
Ekeuı ekı döŋgelektı kölıkterdı bır aimaqta ornalasqan tūrǧyn üilerdıŋ kıreberısterı men aulalarynan erkın kırıp alyp ketken. Söitıp kündızgı uaqytta Petrov köşesındegı üidıŋ aulasynan 90 myŋ teŋge tūratyn Petava velosipedın ūrlap, ızın suytqan. Degenmen beinebaqylau kameralarynyŋ kömegımen jas qūqyq būzuşylardyŋ jürgen ızı anyqtaldy.
Qazırgı uaqytta atalǧan faktı boiynşa qylmystyq ıs qozǧaldy. Kämeletke tolmaǧan jasöspırımdermen aldyn-alu äŋgımelerı jürgızıldı, zaŋdy ökılderıne tapsyryldy.
Ūrlanǧan bes velosiped tabylyp, tärkılendı.
Astana qalasy polisiia departamentı azamattarǧa qūndy mülıkterge qyraǧy boludy jäne qarapaiym qauıpsızdık erejelerın qataŋ saqtaudy nazarǧa aludy sūraidy. Sonymen qatar ata-analarǧa balalardyŋ tärbiesı men jürgen jerın baqylaudy, olardy keşkı uaqytta jıbermeudı ūsynady.
