Azamattyq nekedegı äielın öltırdı degen küdıkpen eks-şeneunıktı ūstaǧan ekı polisiia qyzmetkerıne sögıs jariialandy, dep habarlaidy astana-akshamy.kz.
Quandyq Bişımbaevtyŋ ısıne qatysty sot otyrysy kezınde poliseilerdıŋ küdıktını ūstau sätınıŋ videosy körsetıldı.
Onda polisiia qyzmetkerı Q. Bişımbaevtan «özı tılınen tapqan şyǧar?» (Äŋgıme Saltanat Nükenova turaly) dep sūraidy.
Būl fakt boiynşa qyzmettık tergeu bastalǧan edı.
Sonymen qatar oqiǧa ornynda bolǧan basqa qyzmetkerge de tekseru taǧaiyndaldy.
Beinejazbadan onyŋ küdıktımen bırge köşede temekı şegıp, jerge tükırgenın baiqauǧa bolady.
Bügın Işkı ıster ministrlıgı ekı tärtıp saqşysyna qatysty tergeudıŋ aiaqtalǧanyn habarlady.
«Atalǧan faktı boiynşa Astana qalasynyŋ polisiia departamentı jürgızgen qyzmettık tergeu aiaqtaldy. Qūqyq qorǧau qyzmetı turaly zaŋnyŋ 19, 56-57-baptaryna säikes, sondai-aq tärtıptık komissiianyŋ şeşımımen qyzmettık tärtıptı būzǧany üşın patruldık polisiia polkı qyzmetınıŋ inspektoryna sögıs jariialandy» delıngen habarlamada.
Odan bölek, QR Äkımşılık qūqyqbūzuşylyq turaly kodekstıŋ 434-2-babynyŋ talaptaryn būzǧany üşın (jalpy paidalanu oryndaryn lastau) Astana qalasynyŋ polisiia departamentı Esıl audanynyŋ jedel uäkılıne qataŋ sögıs jariialanǧan.
Foto: Joǧarǧy sot
