El tynysy
Biyl Astanada 30 jedel saty auystyrylady
![](https://astana-akshamy.kz/wp-content/uploads/2024/05/446990530_3923907554552316_1424286893024560538_n-780x470.jpg)
2024 jyly elordada köppäterlı tūrǧyn üi keşenderınde 30 jedel satyny auystyru josparlanǧan, dep habarlaidy astana-akshamy.kz.
Būl turaly Astana qalalyq mäslihatynyŋ töraǧasy Erlan Kanalimov özınıŋ äleumettık jelıdegı paraqşasynda jariialady.
– Būl körsetkış soŋǧy nätije emes. Biudjettık baǧdarlamanyŋ äkımşısı Jyl saiyn TKŞ infraqūrylymyn jöndeu boiynşa Jol kartasyn äzırleidı, tiıstı qarjylandyrumen 40-qa juyq jedel satyny auystyru kıredı. Būǧan deiın mäslihat deputattary TKŞ jaŋǧyrtu baǧdarlamasy şeŋberınde 16 bırlık jedel satylardyŋ jabdyǧyn auystyruǧa Biudjettık ötınımdı maqūldady. Qazırgı uaqytta körsetılgen mekenjailar boiynşa auystyryldy:
1. Quanyşbaev №14-3 jedel saty.
2. B.Momyşūly 17-3 jedel saty.
3. B. Momyşūly 19-2 jedel saty.
4. İmanova 6-1 jedel saty.
5. Kerei Jänıbek handar 9-2 jedel saty.
6. Saryarqa 15-1 jedel saty.
7. Qartaly 18/1-2 jedel saty.
8. Kubrin 22/1-2 jedel saty.
Taǧy 14 jedel satyny jöndeuge jäne auystyruǧa biudjettık ötınımder berıldı, olar jaqyn arada qaralatyn bolady, – dep jazdy ol.
Elorda tūrǧyndaryna tūrǧyn üi-kommunaldyq şaruaşylyqty jaŋǧyrtu baǧdarlamasyna qatysu üşın üiden ötınış beru qajet. Qarajat biudjetten 7 jyldan 15 jylǧa deiıngı merzımde qaitarymdy negızde paiyzsyz bölınedı.