Astanada biznes-qoǧamdastyq üşın jaŋa Salyq kodeksı jobasynyŋ tanystyrylymy öttı, dep habarlaidy astana-akshamy.kz
Ūlttyq ekonomika vise-ministrı Azamat Ämrin men Qarjy vise-ministrı Erjan Bırjanov biznes qoǧamdastyǧyna jaŋa Salyq kodeksı jobasynyŋ negızgı täsılderın tanystyrdy. Is-şara «Atameken» Ūlttyq käsıpkerler palatasynyŋ alaŋynda öttı. Şaraǧa Qazaqstannyŋ barlyq öŋırınen 400-den astam käsıpker, qauymdastyq ärı qoǧamdyq ūiymdar men BAQ ökılderı qatysty.
Azamat Ämrin öz sözınde barlyq jaŋa täsılder men josparlanǧan özgerısterdı salyq saiasaty tūjyrymdamasynda körsetu ūsynylatynyn, al tüiıtkıldı mäselelerdı bıryŋǧai tüsındıru üşın Premer-Ministrdıŋ orynbasary deŋgeiınde ädıstemelık keŋes qūru josparlanyp otyrǧanyn atap öttı.
Vise-ministr biyl äkımşılendıruge köp köŋıl bölıngenın, sondai-aq salyq saiasatyn özgertu aiasynda ūsynylatyn negızgı özgerıster turaly aityp berdı.
Atap aitqanda, qoldanystaǧy arnaiy salyq rejimderın – oŋailatylǧan rejimdı jäne bölşek salyqty bırıktıru josparlanuda.
Korporativtık tabys salyǧynyŋ saralanǧan mölşerlemesın engızu ūsynylady: bazalyq mölşerleme 20% saqtalady, bank sektory men oiyn biznesı üşın mölşerlemenı 25% deŋgeiınde belgıleu, öŋdeu önerkäsıbı, qarjy lizingı jäne äleumettık sala üşın mölşerlemenı 10%-ǧa deiın tömendetu, auyl şaruaşylyǧy tauaryn öndıruşıler üşın mölşerlemenı 3% deŋgeiınde saqtau ūsynylady.
İnvestisiialardy yntalandyru maqsatynda KTS-tan, jer salyǧy jäne investisiialyq kelısımşarttar men AEA qatysuşylary boiynşa mülık salyǧynan 100% bosatu üşın salyqtyq jeŋıldıkter qarastyrylǧan.
Kezdesu barysynda qatysuşylar jaŋa jobaǧa qatysty saualdaryn qoiyp, öz ūsynystaryn engızuge mümkındık aldy. Aita ketu qajet, jariialanǧan jaŋaşyldyqtardyŋ basym bölıgın Kodeks jobasyn talqylau boiynşa jūmys toptaryna qatysqan käsıpkerlerdıŋ özderı ūsynǧan bolatyn.
