Astanadaǧy Jaqsylyq Üşkempırov atyndaǧy Jekpe-jek sport saraiynda Bochchadan III Qazaqstan chempionaty ötıp jatyr, dep habarlaidy astana-akshamy.kz
Keiıngı 2 jylda būl sport türı tanymaldyqqa ie bola bastady. Sebebı qysqa ǧana uaqytta Qazaqstan chempionatynan bölek, byltyr bırınşı ret Qazaqstan kubogı, Sūltanbek Orynbasarovty eske aluǧa arnalǧan turnir jäne t.b bırqatar jarystar ūiymdastyryldy. Qazaqstan ūlttyq qūramasy sapyna kırgen para sportşylar 2023 jyly Aziia Para oiyndarynda alǧaş ret baq synady.
«Bochchadan Qazaqstan chempionaty jaŋa deŋgeige köterılıp otyr. 2023 jyly bırınşılıkke 47 para sportşy qatyssa, biyl olardyŋ sany 90-ǧa juyqtady. Paralimpiadaǧa kıretın para sport türıne qyzyǧuşylyq uaqyt ötken saiyn artyp jatyr. Qazırgı sättıŋ özınde respublikamyzdyŋ 10 öŋırınde filialdarymyz jūmys ıstep jatyr. Ūlttyq qūrama sapynda 41 otandasymyz bar. Endı ǧana damyp jatqan para sport türınde halyqaralyq turnirlerde alǧaşqy jüldeler de qorjynymyzǧa tüse bastady. Mamyr aiynyŋ ortasynda Finliandiiada ötken halyqaralyq dodada jeke saiystan Quanyş Asqarbekov pen komandalyq bäsekede qola jüldege ie boldyq. Būl bızdıŋ jetıstıkterımızdıŋ bastauy dep bılemın. Aldaǧy uaqytta qola jülde kümıs pen altynǧa ainalady dep senemın. Osy para sport türın qoldap otyrǧan QR Prezidentı Qasym-Jomart Toqaevqa alǧysymdy bıldıremın. Bochchamen ainalysyp jatqan barşa jandar men ata-analarǧa erekşe raqmetımdı aita otyryp, bärıŋızge sättılık tıleimın», – dedı Parlament Senatynyŋ töraǧasy, Qazaqstan bochcha federasiiasynyŋ prezidentı Mäulen Äşımbaev aşylu saltanatynda.
Biylǧy jarystyŋ basty erekşelıgı – komandalyq jäne jūptyq bäsekede jüldeler sarapqa salynyp jatyr.
«Bastapqyda būl sport türıne qyzyǧuşylyǧym qatty bolmady. Syrt közge qarapaiym dopty laqtyru sekıldı bolyp körındı. Bıraq bırınşı oinaǧan sätte-aq bochcha menı baurap aldy. Menıŋ boiymdaǧy basty qasiet – ainalysqan düniemnen nätije şyǧaru. Sondyqtan 2 jyldai uaqyt aralyǧynda el ışınde üzdık ekenımdı däleldedım. 2023 jyly Aziia Paraoiyndaryna qatysyp, älemnıŋ eŋ myqty elderımen küş synastym. Ärine, jeŋılıster oŋai timedı. Bıraq halyqaralyq därejedegı doda menıŋ boiymdaǧy qatelıkterdı körsetıp berdı. Qatelıktermen bölek, bochcha federasiiasynyŋ qoldauymen Tailandta oqu-jattyǧuyn ötkızıp, myqtylarmen täjıribe almastym. Būl jetıstıkterımmen toqtap qalǧym kelmeidı. Paralimpiada, Älemdık dodalarda top jarǧym keledı», – dedı Finliandiiada qola jülde alǧan Quanyş Asqarbekov.
Aita keteiık, bochchadan Qazaqstan chempionaty 31 mamyrǧa deiın jalǧasady.
