Astanadaǧy «Bozoq» arheologiialyq parkıne Kemel Aqyşevtyŋ esımı berıluı mümkın, dep habarlaidy astana-akshamy.kz
Qazaqstan Respublikasynyŋ premer-ministrı Oljas Bektenov qazaq elınıŋ ūlttyq arheologiiasyn ūiymdastyruşy, memlekettık syilyqtyŋ laureaty, Qazaqstannyŋ eŋbek sıŋırgen ǧylym qairatkerı, «Altyn adamdy» tapqan ataqty arheolog-ǧalym Kemel Aqyşevtyŋ 100 jyldyǧyna ıs-şaralardy ūiymdastyru boiynşa senat deputattarynyŋ saualyna jauap berdı, dep habarlaidy agenttıktıŋ tılşısı.
«Qazaq arheologiiasynyŋ negızın qalauşy ǧalymdardyŋ bırı – Kemel Aqyşevtıŋ eŋbegın, şyǧarmaşylyǧyn, ömır jolyn nasihattau boiynşa mereitoi aiasynda keşendı jūmystar jürgızılude. Ükımet qaulysymen Astana qalasynyŋ №69 mektep-gimnaziiasyna Kemel Aqyşevtıŋ esımı berıldı», – dep mälımdedı Oljas Bektenov.
Premerdıŋ bergen anyqtamasyna säikes, 2024 jylǧy 24 mamyrda ötken qalalyq onomastika komissiiasynyŋ otyrysynda Astana qalasynyŋ A 42 köşesıne Kemel Aqyşevtyŋ esımın beru ūsynysy qoldau tapty. Belgılengen tärtıppen komissiialardyŋ qarauyna engızıledı.
Sondai-aq ol Almaty oblysynyŋ Ile, Talǧar audandarynda arheolog-ǧalymnyŋ atyndaǧy köşeler baryn jäne mektepterge ǧalymnyŋ esımın beru jūmystary aldaǧy uaqytta qarastyrylatynyn atap öttı.
Ükımet basşysynyŋ mälımdeuınşe, Älkei Marǧūlan atyndaǧy Arheologiia instituty 2024 jylǧy qyrküiekte «Euraziialyq arheologiianyŋ kökjiekterı men paradigmalary» atty bırınşı halyqaralyq arheologiialyq simpozium ötkızedı. Ǧalymnyŋ jariialanbaǧan arhiv materialdary negızınde «Aqtas şatqalyndaǧy ǧūn-üisın eskertkışter keşenı» kıtabyn, «K. Aqyşevtıŋ ǧylymi mūrasyndaǧy arheologiia ǧasyry» atty ǧylymi monografiiasyn, jeke fotoalbomyn jaryqqa şyǧaru közdelude.
«Qazırgı uaqytta Astana qalasyndaǧy «Bozoq» arheologiialyq parkınıŋ qūrylysy jalǧasuda. Parkke ǧalymnyŋ esımın beru, kıreberısıne eskertkışın ornatu mäselesı qūrylys jūmystary aiaqtalǧannan keiın belgılengen tärtıpte qaralady», – dep habarlady premer-ministr.
Sonymen qatar, ükımet basşysy arheolog-ǧalymnyŋ tuǧan jerı Pavlodar oblysyndaǧy Baianauylda belgıtas ornatu jäne oblys aimaǧyndaǧy mektepter men köşelerge ǧalymnyŋ esımın beru mäselesı boiynşa oblys äkımıne tapsyrma berılgenın aitty.
