BRİKS oiyndary jüldegerlerın qarsy aldy
![](https://astana-akshamy.kz/wp-content/uploads/2024/06/e2aac42cd0a8f9efc03c3aac550dbb29_1280x720-780x470.jpeg)
Keşe Astana halyqaralyq äuejaiyna körkem gimnastikadan BRİKS oiyndarynyŋ qola jüldegerlerı ūşyp keldı, dep habarlaidy astana-akshamy.kz
Jeŋımpaz atanǧan elordalyq sportşylardy qūttyqtau üşın Astana qalasy Dene şynyqtyru jäne sport basqarmasynyŋ basşysy Vasilii Levit jäne olardyŋ ata-analary äuejaida jinalyp, chempiondardy qoşemetpen qarsy aldy.
«Dübırlı dodada bar küşterıŋızdı salyp, jıgerlerıŋızdı körsettıŋızder. Bız sızderdı qaşan da qoldauǧa daiynbyz. Jarqyn jeŋısterıŋızdıŋ älı de alda ekendıgıne senımımız mol», – dedı basqarma basşysy Vasilii Levit.
Esterıŋızge salsaq, «Furor» komandasy BRİKS oiyndarynda körkem gimnastikadan 4 qola jülde jeŋıp alǧan bolatyn.
Komanda sapynda Jasmin Jünısbaeva, Kristina Chepulskaia, Aida Hakimjanova, Aizere Kenes, Aizere Nūrmaǧambetova jäne Mädina Myrzabai öner körsettı.
Aita ketsek, komanda qūramyndaǧy 6 qyzdyŋ barlyǧy – qalalyq №1 Balalar men jasöspırımderdıŋ mamandandyrylǧan olimpiadalyq rezerv sport mektebınıŋ tärbielenuşılerı.
Qazan qalasyndaǧy BRİKS oiyndarynda Qazaqstan qūramasy medaldyq esepte 10-orynǧa ie boldy. Komanda qorjynynda ekı altyn, 10 kümıs jäne on jetı qola medal bar.
BRİKS oiyndary 12 mausymnan 23 mausymǧa deiın sozyldy. Jarysqa 90-nan astam elden 5 myŋǧa juyq sportşy qatysty, olar 387 medal jiyntyǧyn sarapqa saldy.
BRİKS oiyndarynda Qazaqstannyŋ namysyn sporttyŋ 13 türınen 115 atlet qorǧady.