QR Prezidentınıŋ Jarlyǧyna säikes 1 nauryzda jergılıktı atqaruşy organdary äkımderı orynbasarlarynyŋ töraǧalyq etuımen qalalyq jäne audandyq äskerge şaqyru komissiialary azamattardy köktemgı merzımdı äskeri qyzmetke şaqyrudy bastady, dep habarlaidy astana-akshamy.kz.
Būl turaly OKQ alaŋynda ötken baspasöz konferensiiasynda QR Qaruly Küşterı Bas ştaby ūiymdastyru-jūmyldyru jūmystary departamentı bastyǧynyŋ orynbasary, polkovnik Azamat Dosymov habarlady.
«2024 jylǧy 30 mausymǧa deiın Qaruly Küşterdıŋ, basqa da äskerler men äskeri qūralymdardyŋ qataryn äskerge şaqyrudy keiınge qaldyruǧa nemese odan bosatuǧa negızderı joq, 18 ben 27 jas aralyǧyndaǧy 20 myŋnan astam er azamat tolyqtyrady. Onyŋ ışınde, Qaruly Küşterge 9 myŋnan astam, Ūlttyq ūlanǧa 6 myŋnan astam, Şekara qyzmetıne 3 myŋǧa juyq, Tötenşe jaǧdailar ministrlıgıne 300 astam, memlekettık küzet qyzmetıne 300 juyq adam qabyldanady», – dedı spiker.
