Britandyq universitet joǧary akademiialyq nätijelerımen qosa sport pen önerde jetıstıkterge jetken studentterge konkurstyq negızde tegın bılım alu şäkırtaqysyn ūsynady, dep habarlaidy astana-akshamy.kz.
Qazırgı taŋda biznes jäne kompiuterlık ǧylymdar salasy boiynşa oqu baǧdarlamalaryna qūjattar qabyldanuda. Mūnymen qosa, 25 mausymnan bastap pedagogika baǧdarlamasyna ötınım qabyldanady. Ötınımderdı universitettıŋ www.coventry.edu.kz saitynda onlain türde beruge bolady.
Universitettıŋ aşyluyna orai jarnama jäne sifrlyq marketing, biznes jäne adam resurstaryn basqaru, kompiuterlık ǧylymdar, aqparattyq tehnologiialardy basqaru sekıldı 8 bakalavriat jäne MBA Global Business baǧdarlamalary boiynşa oqytu josparlanuda. Sondai-aq akademiialyq aǧylşyn tılı kursy jäne aǧylşyn tılınde Qazaqstan filosofiiasy men tarihy, qazaq tılı siiaqty pänder engızıledı.
Qazaqstannyŋ bolaşaq pedagogterıne bılım salasyndaǧy halyqaralyq diplomnan keiıngı sertifikattau baǧdarlamasy boiynşa taǧylymdamadan ötu mümkındıgı ūsynylady.
Ūşaq biletı men kündelıktı ömırge qajettı şyǧyndardy eskersek, şetelde bılım alumen salystyrǧanda Qazaqstanda oqu äldeqaida tiımdı. Oqu orny tülekterıne Coventry universitetı diplomy berıledı. Sondai-aq olar Coventry universitetınıŋ jetekşı kompaniialarmen jäne ūiymdarmen ornatqan serıktestıgı nätijesınde bıregei jobalar men taǧylymdamadan öte alady.
Qazaqstandyq kampustaǧy oqytuşylardyŋ negızgı qūramy halyqaralyq mamandardan qūralady. Universitettegı oqu jyly 2024 jyldyŋ 16 qyrküiegınde bastalady. 2026 jyly universitet kampusynda akademiialyq, sport jäne äkımşılık ǧimarattarmen qosa jeke jataqhana ıske qosylady. Al osy merzımge deiın studentter alǧaşqy ekı kurs boiynşa Astananyŋ sol jaǧalauynda ornalasqan qalalyq kampusta bılım alady.
Qazaqstandaǧy Coventry universitetı – dünie jüzındegı universitetterdıŋ jahandyq jelısınıŋ bır bölıgı. Bügınde onyŋ kampustary Egipet, Qytai, Marokko, Ündıstan sekıldı bırqatar elderde jūmys ısteidı. Oqu ornynda älemnıŋ türlı elınen 21 myŋnan astam student oqidy. Universitet jyl saiyn öz tülekterın jūmysqa ornalastyru jaǧynan joǧary körsetkışke ie.
