Soŋǧy 5 jylda Qazaqstanda 400-ge juyq densaulyq saqtau nysany salyndy, medisinalyq jabdyqtardy satyp aluǧa 261 mlrd teŋgeden astam qarajat jūmsaldy. Būl rette infraqūrylymnyŋ tozu deŋgeiı joǧary 50% küiınde qalyp otyr, jūmys ıstep tūrǧan nysandardyŋ jartysy 40 jyldan astam uaqyt boiy paidalanylyp keledı. Elımızde medisinalyq jabdyqtarmen jaraqtandyru deŋgeiı 80 paiyzdan assa, qyzmet körsetu sapasy tehnikany tozuy saldarynan tömendep otyr, dep habarlady ministr. Densaulyq saqtau jüiesınıŋ qosymşa problemalary auruhana tösek qoryn tiımsız paidalanu, därıgerler men medbikelerdıŋ tapşylyǧy bolyp sanalady.
Ükımet basşysy Oljas Bektenov densaulyq saqtau infraqūrylymyn damytuǧa keşendı közqaras qajet ekenın atap öttı. Jaŋa tūjyrymdamaǧa säikes, medisinalyq mekemelerdıŋ qūrylysyna arnalǧan oryndardy anyqtau prosesı ūzaq merzımdı boljamdar men halyqtyŋ ärtürlı kömek türlerıne qajettılıkterın eskere otyryp qaita qaralatyn bolady.
Būǧan deiın Densaulyq saqtau ministrlıgı 2,5 myŋ densaulyq saqtau nysanyn jaŋǧyrtu qajettılıgın anyqtady. Bırınşı kezeŋ 11 440 tösek-oryndyq 34 negızgı joba qūrylysyn qamtidy. Būl jüie qūrauşy medisinalyq mekemeler – atap aitqanda, ūlttyq balalar onkologiiasy jäne gematologiia ortalyǧy, balalar kardiohirurgiialyq ortalyǧy, öŋırlerdegı köpsalaly universitettık auruhanalar. Ekınşı kezeŋde jergılıktı atqaruşy organdarmen bırlesıp nysandardy jaŋǧyrtudy jalǧastyru josparlanuda.
Premer-Ministr jobalardy ıske asyru barysynda qūrylys materialdaryn, jihazdar men jabdyqtardy otandyq öndıruşılerdı barynşa tartu maŋyzdy ekenın atap öttı, būl öŋırlerdıŋ ekonomikasyna oŋ äserın tigızedı. Sonymen qatar, halyqaralyq sapa standarttary saqtaluy kerek.
«JCI (Joint Commission International) halyqaralyq standartyna Qazaqstanda tek 9 medisina ūiymy säikes keledı, olardyŋ qatarynda Ūlttyq ǧylymi kardiohirurgiia ortalyǧy, Ana men bala ūlttyq ortalyǧy jäne basqalary bar. Osy standarttar boiynşa akkredittelu densaulyq saqtau sapasynyŋ “joǧary deŋgeiın” körsetedı. Barlyq densaulyq saqtau mekemelerı osyndai deŋgeige ūmtyluy kerek. Sondyqtan negızgı obektılerdı jobalau kezeŋınen bastap JCI halyqaralyq standartynyŋ talaptary eskerılıp közdeluge tiıs», — dep atap körsettı Ükımet basşysy.
Densaulyq saqtau salasyna jeke investisiialardy tartu boiynşa älemdık täjıribenı qoldanu qajettılıgı atap ötıldı. Taiau bolaşaqta medisinalyq nysandardy jaraqtandyru men basqarudaǧy mūndai ädıs infraqūrylymdy damytudyŋ basym şarasy boluǧa tiıs. Ükımet basşysy Maŋǧystau, Ūlytau, Jetısu oblystary äkımderınıŋ nazaryn osy mäselege audardy – būl öŋırler tartylǧan qarajat kölemı boiynşa eŋ tömen körsetkışterdı körsetude. İnvestisiialardyŋ basym bölıgı Astana men Almatyǧa, sondai-aq Türkıstan jäne Atyrau oblystaryna tiesılı.
Tūjyrymdamany ıske asyru qorytyndysy boiynşa densaulyq saqtau obektılerınıŋ tozu därejesın 30%-ǧa deiın tömendetu, jaraqtandyrudy 88%-ǧa deiın ūlǧaitu jäne normativterge säikes medisina kadrlarymen qamtamasyz etu josparlanuda.
