Mäjılıs deputaty Amantai Jarqynbek Qazaqstanda nasybai satudy müldem toqtatudy ūsyndy. Ol öz ūsynysyn premer-ministrdıŋ orynbasary Tamara Düisenova men ışkı ıster ministrı Erjan Sädenovke joldaǧan deputattyq saualynda aitty, dep habarlaidy astana-akshamy.kz.
Deputattyŋ aituynşa, bügınde kez kelgen adam, onyŋ ışınde mektep oquşylary nasybaidy erkın satyp ala alady.
«Ökınışke qarai, būryn ony tek eresek ūrpaq qoldansa, qazır jastar, tıptı qyzdar da oǧan täueldı. Olardyŋ sany jyl saiyn artyp keledı. Onyŋ üstıne būl jaǧymsyz ädet tıptı sportşylar arasynda da qalypty jaǧdaiǧa ainalǧanyn qalai tüsınuge bolady?», – dedı deputat Amantai Jarqynbek.
Mäjılısmen būl önımnıŋ qūramy kümändı ekenın aityp, ony paidalanu densaulyqqa ziian keltıretının eskerttı.
«Şved ǧalymdary zertteu jürgızıp, nasybaidyŋ qūramynda hrom, nikel, kadmii, qorǧasyn, myşiak siiaqty himiialyq zattar bar ekenın anyqtady. Därıgerler nasybaidyŋ täueldılık tuǧyzyp qana qoimai, türlı aurulardy tudyratynyn atap öttı. Nasybaidy tūtynu adam aǧzasyn qaterlı ısıkke, bedeulıkke äkeletını ǧylymi tūrǧylan däleldengen. Qazaq onkologiia jäne radiologiia ǧylymi-zertteu instituty mamandarynyŋ aituynşa, nasybai tartu auyz quysynyŋ qaterlı ısıgınıŋ damuyna äkelıp soǧady. Olar keiıngı kezderı nasybaidy tūtynudyŋ saldarynan jastardyŋ qaterlı ısık auruyyna şaldyǧatynyn atap öttı”, – dedı deputat.
Amantai Jarqynbek «eldı ulap jatqan būl ındettı auyzdyqtap, onyŋ taraluyn tübegeilı toqtatu qajet» dep esepteidı.
«Elımızde zaŋmen şekteu qoiylǧanymen, ony jüzege asyruda älsızdık tanytyp otyrmyz. Sondyqtan ūlt densaulyǧyna nūqsan keltıretın, ūrpaǧymyzdy ulap jatqan qazaq halqyna jat ädetten aryluymyz kerek. Arnaiy organdar öskeleŋ ūrpaqty ulap jatqan sauda nüktelerıne qatysty şeşım qabyldap, keşendı şaralar qabyldauy kerek», – dedı deputat.
