Is-şaraǧa Densaulyq saqtau ministrlıgınıŋ ökılderı, memlekettık organdar men qoǧamdyq ūiymdardyŋ basşylary, qan donorlarymen qatar, otandyq estrada jūldyzdary men qatar basqa da respublikalyq, halyqaralyq konkurstardyŋ laureattary, blogerler men BAQ ökılderı qatysty. Al marapat ielerınıŋ syilyqtaryn tabystap söz söilegen Esıl audanynyŋ äkımı Darmeniiar Qydyrbekūly Astanalyqtardy merekemen qūttyqtap, jaqsylyq jasaudan şarşamauǧa şaqyrdy.
-Sızderdı Düniejüzılık qan donory künımen qūttyqtaimyn! Qan donory bolu – qoǧamnyŋ densaulyǧy men äl-auqatyna üles qosatyn batyr bolu dep bılemın.
Barlyq mūqtaj jandy qauıpsız qan önımderımen qamtamasyz etu üşın erıktı qan men plazma donorlyǧynyŋ maŋyzy zor,-dep atap öttı ol.
Sonymen qatar «AMANAT» partiiasy Astana qalalyq filialynyŋ atqaruşy hatşysy Mūhamedjan Äbdıäşımūly da söz söilep, qatysuşylarǧa öz alǧysyn jetkızdı.
Al, ıs-şara barysynda ūzaq jyldar boiy tūraqty türde qan tapsyryp kele jatqan qūrmettı donorlar marapattaldy. Atap aitar bolsaq, QR Densaulyq saqtau ministrlıgınıŋ «Densaulyq saqtau salasyna qosqan ülesı üşın» tösbelgısımen Mekke Abdollaev, Nikitin Aleksandr, Qūrmanǧazy Körpeşov marapattaldy. Būl tösbelı ömır boiy 40-tan astam ret qan tapsyrǧan adamdarǧa berıledı.
Sondai-aq, ömırınde onnan astam, qyryqqa taiau donasiia jasaǧan Janat Elubaev, Nūrlan Jaŋabekov, Ūlan Diianov, Nūrsūltan Qajkenov, Arman Tūiaqpaev, Andrei Pan, Aian Baltaşev siiaqty azamattarǧa elordalyq qan ortalyǧy men qalalyq Mäslihat deputaty Nūrlan Müslımnıŋ atynan qūrmet gramotasy jäne estelık syilyqtar tabystaldy.
Marapat ielerı özderınıŋ eŋbekterınıŋ elengenıne rizaşylyǧyn bıldırdı.
-Men 18 jasymnan bastap bügıngı künge deiın 13 jyl boiy qan tapsyryp kele jatyrmyn. Eŋ bastysy bıreuge öz qolyŋnan kelgen kömegıŋ arqyly jaqsylyq jasau adam janyn tynyştandyrady. Quanyş syilaidy,-dedı marapat iesı Mekke Abdollaev.
Şapaǧat Äbdır
