1 mamyr – Qazaqstan halqynyŋ bırlıgı künı merekesıne orai Astana qalasy äkımdıgınıŋ «Ruhaniiat» kommunaldyq memlekettık mekemesınıŋ ūiymdastyruymen Astanadaǧy dostyq üiınde «Dostyǧymyz jarasqan» atty özge ūlt ökılderınıŋ arasynda baiqau öttı, dep habarlaidy astana-akshamy.kz
Elın, jerın süietın, salt-dästürdı saqtap, memlekettık tılge qūrmetpen qaraityn ūlt ökılderın anyqtau, elımızde ömır süretın özge ūlt ökılderınıŋ dostyǧyn, bırlıgın, mädenietın jäne ruhani bailyǧyn nasihattai otyryp, Qazaqstan halqyn dostyq pen bauyrmaldyqqa tärbieleu, bılımdı boluǧa, köp tıldı meŋgeruge şabyttandyru maqsatynda ötkızılgen būl baiqauǧa Qazaqstan Halqy Assambleiasynyŋ ökılderı men qazaq tılın bıletın özge ūlt ökılderı qatysty.
«Bırlıkten bekem küş, dostyqtan biık mahabbat joq. «Bırlık bar jerde tırlık bar» degendei, bırlıgı jarasqan eldıŋ qoǧamy tynyş, zamany berekelı bolady. Elımızdegı barlyq ūlt ökılderı jūdyryqtai jūmylyp, bereke-bırlıktı közınıŋ qaraşyǧyndai aialaǧanda ǧana bız berekelı ǧūmyr keşemız. Ūlttar arasyndaǧy dostyq pen bereke – bızdıŋ qymbatty bailyǧymyz. Bügıngı baiqau da dostyqty nyǧaityp, Otanǧa, elge, memlekettık tılge degen qūrmettı küşeitu üşın ötkızılıp otyr. Sondyqtan barlyq qatysuşylarǧa sättılık tıleimın», – dedı Astana qalasy äkımdıgınıŋ Tılderdı damytu jäne arihv ısı basqarmasynyŋ tıl saiasatyn üilestıru bölımınıŋ basşysy Nürsila Qasqataeva.
Baiqau 7 bölım boiynşa ötkızıldı. «Tanystyru» bölımınde ümıtkerler ūlttyq kiımın kiıp şyǧyp, özın qazaq tılınde tanystyrsa, «Önerlı örge» jüzer bölımınde qatysuşylar öz önerlerın körsetettı. «Sūraq-jauap» bölımınde qatysuşylar qazaqtyŋ ūlttyq salt-dästürıne qatysty sūraqtarǧa jauap berdı. «Tılek aitu, bata beru» bölımınde ümıtkerler merekege orai öz tılekterın ortaǧa salsa, «Jaǧdaiat» bölımınde belgılengen taqyryptar boiynşa qazaq tılınde dialokqa tüstı. «Maqal sözdıŋ mäiegı» bölıgınde qatysuşylar maqaldyŋ soŋyn jalǧastyryp, maǧynasyn tüsındırdı. «As adamnyŋ arqauy» bölımınde är qatysuşy özınıŋ ūlttyq taǧamyn daiyndap, onyŋ qazaqtyŋ ūlttyq taǧamdarymen qandai ūqsastyǧy baryn tüsındırdı.
«Bügını baiqau öte maǧynaly öttı. Özge ūlt ökılderınıŋ memlekettık tılde söilep, bereke men bırlıktı tu etkenı menı qatty äserlendırdı. Sondai-aq būl baiqaudan özge ūlt etnostarynyŋ salt-dästürı, mädenietı jönınde de köp närse tüsındım. Basqa ūlttardyŋ maqaldap söilegenı qandai keremet», – dedı baiqau körermenı, L. Gumilev atyndaǧy Euraziia ūlttyq universitetınıŋ ekınşı kurs studentı Enela Mahmūtqyzy.
Baiqau soŋynda baǧalauşylar üzdık dep tanyǧan jeŋımpazdarǧa är nominasiia boiynşa baǧaly syilyqtar tabystaldy.
«Qazaq halqynyŋ memleket qūrauşy ūlt retındegı rölın bekemdep, etnosaralyq tatulyq pen dınaralyq tüsınuşılıktı qalyptastyra beruımız qajet. Bızdıŋ ūstanymyz el bırlıgınıŋ är aluandylyǧynda. Elımızdegı etnikalyq toptardyŋ tılı men mädenietın damytuǧa jaǧdai jasai beremız. Qazaq tılınıŋ memlekettık tıl retındegı rölı küşeiıp, ūltaralyq qatynas tılıne ainalatyn kezeŋı keledı dep esepteimın», – dep Memleket basşysy Qasym-Jomart Toqaev aitqandai, būl baiqau da memlekettık tıldıŋ eldegı barlyq etnos ökılderın ūiystyratyn ūly küş ekenın aŋǧartty.
