Dükennen äiel adamnyŋ sömkesın ūrlaǧan astanalyq qolǧa tüstı, dep habarlaidy astana-akshamy.kz
Astana qalasy Saryarqa audany PB jedel uäkılderı jedel ızdestıru ıs-şaralaryn jürgızu barysynda ūrlyqqa qatysy bar degen küdıkpen 44 jastaǧy astanalyq azamatty anyqtady.
Tergeu barysynda belgılı bolǧany er adam keşkı uaqytta Beibıtşılık köşesındegı dükenge kelgen. Qaskünem dükende ornalasqan syra satatyn bardyŋ iesı şyǧyp ketkenın baiqap, qūlpyn būzyp ışke kırgen. Bardan ol äielder sömkesın alyp şyǧyp, oqiǧa ornynan ızın suytqan. Osylaişa 40 myŋ teŋge materialdyq şyǧyn keltırgen. Sondai-aq er adam qalanyŋ oŋ jaq jaǧalauyndaǧy bazardan bır qorap tauyq etın jymqyrǧany belgılı boldy.
Qaskünem qoimaǧa tauar kelıp jatqan sätte, ıs-äreketın eşkım baiqamai tūrǧanyna köz jetkızıp, qorapty alyp ketken. Atalǧan faktıler boiynşa qylmystyq ıs qozǧaldy. Er adam Astana qalasy PD uaqytşa ūstau izoliatoryna qamaldy. Onyŋ elorda aumaǧynda jasalǧan osyǧan ūqsas basqa da qylmystarǧa qatysy bar-joǧy anyqtalady.
Astana qalasy polisiia departamentı azamattardy öz mülkın mūqiiat baqylaudy, baǧaly zattardy qarausyz qaldyrmaudy, üi-jailardy senımdı qūlyptarmen jäne küzet dabylymen jabdyqtaudy eskertedı.
