Astanadaǧy «Beeline arena» sport keşenınde dziudodan Daniiar Makişevtı eske aluǧa arnalǧan halyqaralyq turnir ötude, dep habarlaidy astana-akshamy.kz
Eŋ äuelı jarystyŋ saltanatty aşyluy «BN» bi ansamblınıŋ qoiylymymen bastalyp, Led ekranda Daniiar Makişevtyŋ ömırbaiany jaiynda beinerolik qoiyldy.
Al, turnirdıŋ aşylu saltanatynda söz söilegen QR Turizm jäne sport ministrlıgı Sport jäne dene şynyqtyru ısterı komitetınıŋ töraǧasynyŋ orynbasary Azamat İmaşev barlyq qatysuşylarǧa sättılık tılep, jarystyŋ bastaluymen qūttyqtady. Sonymen qatar Qazaqstan dziudo federasiiasynyŋ atqaruşy direktory Aibek İmaşev, Astana qalasynyŋ Dene şynyqtyru jäne sport basqarmasy basşysynyŋ orynbasary İslambek Baimanov jäne Daniiar Makişevtıŋ jattyqtyruşysy Ahat Aşirov söz söilep atalǧan turnirdıŋ oryny erekşe ekendıgın aiyryqşa atap öttı.
Jarystyŋ bastaluynda balasyn eske ala söilegen Daniiardyŋ äkesı Abai Makişev bolsa, jarysty ūiymdastyruşylarǧa öz alǧysyn jetkızdı.
-Daniiar tırı kezınde osyndai bır jarys ötkızssem degendı qatty armandauşy edı. Endı mıne dostarynyŋ arqasynda sol armany oryndalyp jatyr. Bügın är memleketten kelgen jas sportşylardy körıp köŋılım tolqyp tūr. Būdan men Daniiardyŋ menıŋ ūlym ǧana emes halyqtyŋ ūly bolǧanyn aŋǧaryp otyrmyn. Bügıngıdei jarystyŋ ūiymdastyryluy Daniiardyŋ artynan ergen ınılerın jäne basqa da jas sportşylardy jıgerlendıretınıne men senımdımın. Barlyq qatysuşy sportşylardyŋ jeŋıs tūǧyrynan körınuıne tılektespın,-dedı ol.
Sondai-aq, jarys barysynda Qazaqstan dziudo federasiiasynyŋ atqaruşy direktory Aibek Äsetūly elımızde dziudo sportynyŋ damuyna üles qosyp, talantty dziudoşylardy tärbielegenı üşın Daniiar
Makişevtıŋ jattyqtyruşysy Ahat Aşirovke Qazaqstan dziudo federasiiasynyŋ atynan Alǧys hat
tabystady. Sonymen qatar atalǧan jarysty ūiymdastyru komitetınıŋ atynan Daniiardyŋ äkesı men jattyqtyruşysyna estelık syilyqtar berıldı.
Jalpy Qazaqstan, Qyrǧyzstan, Belorus, Resei, Özbekstan qatarly 5 elden 150-ge juyq dziudoşy kelgen dübırlı doda 7 salmaq därejesı boiynşa 20 jasqa deiıngı jastar arasynda ötıp jatyr. Qatysuşylar 60, 66, 73, 81, 90, 100 kelıge deiıngı jäne 100 kelıden joǧary salmaq därejelerınde baq synasady.
-Elımızde dziudo küresınıŋ örkendeuıne ülesın qosqan Daniiar Makişevty köpşılık jaqsy bıledı. Ol közı tırısınde köptegen şäkırt tärbielep, elımızdıŋ sport jäne dene şynyqtyru salasynyŋ damuyna özındık üles qosa bılgen jan. Osyndai ardaqty bapkerdı eske alyp, Astanamyz da halqaralyq turnirdıŋ ötıp jatuy bız üşın de baqyt,-deidı turnir qatysuşysy Mädi Serık.
Qazaqstan jastar ūlttyq qūrama komandasynyŋ älem chempionaty aldyndaǧy daiyndyq dodasy bolyp sanalatyn būl jarys ekı künge jalǧaspaq.
Jülde qory 9000 AQŞ dollaryn qūraǧaǧan dodada I oryn alǧan sportşyǧa – 500$, ekınşı orynǧa ie bolǧan sportşyǧa – 350$, al üşınşı orynǧa ie bolǧan jüldegerge 200$ AQŞ dollary kölemınde syiaqy berılmek.
Şapaǧat ÄBDIR
