Bügıngı aua raiynyŋ qolaisyzdyǧyna bailanysty Astana mektepterındegı ekınşı auysymnyŋ 0-9 synyp oquşylary da onlain oqityn boldy, dep habarlaidy astana-akshamy.kz
Astana qalalyq bılım basqarmasy taratqan habarlamada: «2024 jylǧy 9 aqpan künı aua raiynyŋ qolaisyzdyǧyna bailanysty ekınşı auysymnyŋ 0-9 synyp oquşylary qaşyqtan oqytu formatyna auystyrylady», – delıngen.
9 aqpan künı bırınşı auysymda oqityn 0-11 synyp mektep oquşylary men kolledjderdıŋ 1-2 kurs studentterı de qaşyqtan oqyǧan edı.
«Qazgidromet» RMK derekterıne säikes elordada 9 aqpanda boran, köktaiǧaq bolady. Oŋtüstık-batystan jäne batystan soqqan jel ekpını 15-20 m/s, 23-28 m/s, 9 aqpanda taŋerteŋ 30 m/s jäne odan da köp bolady dep boljanuda.
Būǧan deiın qarly boran men jeldıŋ küşeiuıne bailanysty Astana qalasynyŋ Tötenşe jaǧdailar departamentı elorda tūrǧyndary men qonaqtaryn qaladan tys jerlerge barudan bas tartuǧa jäne qyraǧy boluǧa, aua raiynyŋ özgeruı, engızılgen şekteuler turaly aqparatty qadaǧalap otyruǧa keŋes beredı.
