Elordalyq studentter Sustainability Living Lab baǧdarlamasy aiasynda jüzege asqan eko-jobalaryn körsettı. Ekologiialyq tūraqtylyqty ılgerıletuge arnalǧan bıregei bastama – SLL baǧdarlamasyna arnalǧan media-tur kezınde jas önertapqyştardyŋ äleumettık önertabystary köpke ūsynyldy.
Atalǧan baǧdarlama bükıl Qazaqstan boiynşa studentterge universitet kampustarynda ekologiialyq jobalardy jüzege asyruǧa mümkındık beredı. Ol jastardyŋ teoriialyq bılımın naqty jobalarǧa ainaldyruǧa yqpal etıp, olardyŋ şyǧarmaşylyq jäne intellektualdyq äleuetın damytuǧa septık etedı. Būl tek ekologiialyq bastamalardy damytu alaŋy ǧana emes, sonymen qatar, universitet qauymdastyǧyndaǧy ekologiialyq sanany özgertu faktoryna ainaldy.
Media-turǧa qatysuşylar universitet aumaǧynda SLL baǧdarlamasy aiasynda jüzege asyp jatqan bırqatar qyzyqty jobamen tanysuǧa mümkındık aldy. Atap aitqanda, Mediterranean biome – universitet atriumynda subtropiktık ösımdıkterden tūratyn arnaiy aimaq qūru jobasy.
NU observatory – diametrı 50 sm teleskop ornatylǧan şaǧyn observatoriiany salu jobasy. Bulan – mügedekter arbasynyŋ qozǧalǧyştyǧyn jäne paidalanu jeŋıldıgın arttyratyn elektr qondyrmasyn jasau jobasy. Osy jobany oilap tapqan elordalyq student Aimedet Taufiktıŋ robototehnika baǧytynda bılım aluda.
– Jobamnyŋ aty – Bulan. Erekşe jandardyŋ negızgı mäselesı – assistent qyzmetıne täueldılıgı. Mūndai adamdar qalaǧan uaqytynda qalaǧa şyǧyp, bır jaqqa baryp şaruasyn ıstei almaidy. Ärdaiym bıreudıŋ kömegıne zäru. Sol mäselenı şeşu üşın men arbaǧa qosymşa tırkemenı oilap taptym. Ony erekşe qajettılıkterı bar adam özı qosyp tırkei alady. Mūny elektrsamokat qyzmetımen teŋestırse de bolady. Bıraq būl naqty osyndai arbaǧa arnalǧan, – deidı önertapqyş student. Osy jäne basqa da jobalar tūraqty kampustardy qūruǧa yqpal etetın innovasiialyq ideialardy qamtidy. Olar paidaly jäne ekologiialyq taza önımderdı jasau üşın resurstardy tiımdı paidalanudyŋ jäne qaldyqtardy qaita öŋdeudıŋ maŋyzyn körsetedı.
