Qazaqstan Respublikasy Premer-Ministrınıŋ orynbasary, Ūlttyq ekonomika ministrı Nūrlan Baibazarov biylǧy jyldyŋ qaŋtar aiyndaǧy äleumettık-ekonomikalyq damu qorytyndylarymen tanystyrdy, dep habarlaidy astana-akshamy.kz.
Ekonomikanyŋ salalaryn bölıp-bölıp qarastyrsaq: naqty sektor – 3,8%, qyzmet körsetu salasy – 3,5% boldy.
Eŋ joǧary ösım qūrylys, kölık jäne qoima ısı, aqparat jäne bailanys, öŋdeu önerkäsıbınde baiqaldy.
İnvestisiialar boiynşa negızgı kapitalǧa salynǧan investisiialardyŋ ösu qarqyny 0,6%-dy qūrady. Atap aitqanda, bılım – 3,6 ese, qarjylyq jäne saqtandyru qyzmetı – 3 ese, kölık jäne qoima ısı – 2,1 ese, qūrylys – 2 ese aqparat jäne bailanys – 20,9%, öŋdeu önerkäsıbı – 15,8% artty.
Öŋırler boiynşa eŋ joǧarǧy körsetkışter Jetısu, Ūlytau, Jambyl, Almaty oblystarynda baiqaldy.
Aldyn ala qorytyndy boiynşa 2023 jyly syrtqy sauda tauar ainalymy 3,2%-ǧa ösıp, $140 mlrd qūrady.
Eksport – $79 mlrd, öŋdelgen tauarlardyŋ eksporty – $25 mlrd, import – $61 mlrd boldy.
Öŋdeu önerkäsıbınde ösım saqtaldy. Öndırıs kölemı 6,9%-ǧa östı. Oŋ ösım 14 öŋırde tırkeldı. Eŋ joǧary körsetkışter: Aqtöbe, ŞQO, Qyzylorda, Abai oblysynda anyqtaldy. Öŋdeu önerkäsıbı salalary boiynşa körsetkışter – maşina jasau – 18%, metallurgiia – 12%, himiialyq önerkäsıp – 40%, metall būiymdary – 18%, jeŋıl önerkäsıp – 3,5%, farmasevtika – 1,4%, jihaz – 5,4%. Tau-ken önerkäsıbındegı öndırıs kölemı 0,2%-ǧa artty.
Biyl qaŋtar aiynda 1 mln şarşy metrden astam tūrǧyn üi paidalanuǧa berıldı. Būl ötken jylǧy körsetkışpen salystyrǧanda 3%-ǧa joǧary. Auyl şaruaşylyǧynda jalpy önım kölemı 0,4%-ǧa artty. Barlyq 7 körsetkış boiynşa oŋ ösım 3 öŋırde baiqalady: Qyzylorda oblysy, Pavlodar oblysy, Astana qalasy
