2024 jylǧy 1 aqpandaǧy jaǧdai boiynşa jergılıktı atqaruşy organdardyŋ rūqsatymen Qazaqstan aumaǧynda 12 882 şetel azamaty eŋbek etedı, dep habarlaidy astana-akshamy.kz.
Şetel jūmys küşın tartuǧa rūqsattardyŋ arasynda mynadai sanattar bar: basşylar men olardyŋ orynbasarlary üşın 565 rūqsat (bırınşı sanat), qūrylymdyq bölımşelerdıŋ basşylary üşın 2 671 rūqsat (ekınşı sanat). Tartylǧan şetel jūmys küşınıŋ negızgı bölıgı üşınşı (mamandar) jäne törtınşı (bılıktı jūmysşylar) sanattarǧa jatady – tiısınşe olar 5 871 jäne 595 adam. Sondai-aq mausymdyq jūmystarǧa 564 adam, al korporativtık auystyru aiasynda 2 616 adam tartyldy.
Qazırgı uaqytta Qazaqstanda şetel jūmys küşın paidalanatyn 1 657 jūmys beruşı bar. Olarda 456 myŋnan astam Qazaqstan azamaty jūmys ısteidı, būl qyzmetkerlerdıŋ jalpy sanynyŋ 97,2% – y.
Ekonomikalyq qyzmet türlerı boiynşa eŋ köp jūmys ısteitınder qūrylys salasynda – 4 326 adam (33,5%), öŋdeu önerkäsıbı – 1 370 adam (10,6%), tau – ken önerkäsıbı jäne karerlerdı qazu – 1 298 adam (10%), käsıbi, ǧylymi jäne tehnikalyq qyzmet – 843 adam (6,5%), auyl, orman jäne balyq şaruaşylyǧy – 600 adam (4,6%).
Eŋbek migranttary keletın negızgı elder: Qytai – 4 045 adam (31,4%), Ündıstan – 1 152 adam (8,9%), Türkiia – 1 110 adam (8,6%), Özbekstan – 673 adam (5,2%).
Işkı eŋbek naryǧyn qorǧau maqsatynda QR Eŋbek jäne halyqty äleumettık qorǧau ministrlıgı jyl saiyn respublikaǧa şetel mamandaryn tartuǧa kvota belgıleidı jäne böledı. 2024 jyly jalpy kvota respublikadaǧy jūmys küşınıŋ sanyna qatysty 0,23% nemese 22 myŋ bırlık mölşerınde belgılendı.
