Işkı ıster organdary el aumaǧynda 5-9 aqpan aralyǧynda “Tosqauyl” jedel-profilaktikalyq ıs-şarasyn ötkızdı. Sonyŋ barysynda poliseiler 4 esırtkı zerthanasyn joidy, dep habarlaidy astana-akshamy.kz.
-Is -şara kezınde äsırese joǧary synyp oquşylary men student jastarǧa basa nazar audaryldy. Esırtkıge qarsy ıs-şaralarǧa ışkı ıster organdarynyŋ jäne Ūlttyq ūlannyŋ jeke qūramy, äkımdıkterdıŋ qyzmetkerlerı, densaulyq saqtau jäne bılım beru salalarynyŋ ökılderı, jastar saiasatynyŋ jetekşılerı, ükımettık emes sektor jäne erıktıler jūmyldyryldy. Polisiianyŋ bastamasy boiynşa halyqpen kezdesuler, oqu mekemelerınde 356 därıs, 18 aksiia, 10 döŋgelek üstel jäne narkolog-därıgerlerdı, täjıribelı ūstazdar men psihologtardy, sondai-aq azamattyq qoǧam ökılderın şaqyrumen 55 kezdesu ötkızıldı. Barlyǧy 538 türlı profilaktikalyq, onyŋ ışınde 12 sporttyq-būqaralyq ıs-şara, 87 turnir jäne fleşmob ötkızıldı. Esırtkınıŋ graffiti-jarnamasyn joiuda volonterlyq qozǧalys ökılderı öz ülesterın qosty, – dedı IIM esırtkı qylmysyna qarsy ıs-qimyl departamentı bastyǧynyŋ orynbasary Baqytjan Ämırhanov Polisiia vedomstvosynyŋ aptalyq brifingınde.
Esırtkınıŋ zaŋsyz ainalymyna qarsy küres küşeitıldı. “Tosqauyl” operasiiasy kezınde tört esırtkı zerthanasy joiyldy. Almatyda sintetika öndıretın esırtkı zerthanasy taratyldy. Poliseiler 13 kg “mefedron” sintetikalyq preparatyn, sondai-aq olardy öndıruge arnalǧan reaktorlar men türlı jabdyqtardy tärkıledı. Sondai-aq eldıŋ eŋ ırı megapolisınde polisiia qyzmetkerlerımen Mercedes avtokölıgı toqtatylyp, ony tekseru kezınde jalpy salmaǧy 3,7 kg “alfa-RVR” sintetikalyq esırtkısı salynǧan 10 polietilen paket tabyldy. Atyrau oblysynda internet-dükenge kurer bolyp jūmysqa ornalasqan sintetikalyq psihotroptyq zattardy jasyruşy ūstaldy. Onyŋ jaldamaly päterın tıntu barysynda salmaǧy 1,5 kg “alfa-RVR” jäne “mefedron” esırtkı zattary tärkılendı. Şymkentte polisiia qyzmetkerlerı eldıŋ bırqatar ırı qalalarynda sintetikalyq esırtkınıŋ köterme saudasymen ainalysqan öŋırlık esırtkı kurerın ūstady. Almatyda jaldamaly päterın tıntu barysynda küdıktıden jalpy salmaǧy 1,5 kg bolatyn “amfetamin”, “LSD” jäne “ekstazi” esırtkı zattary tärkılendı. Soltüstık Qazaqstan oblysynda uchaskelık polisiia inspektory arnaiy bölınıs jauyngerlerınıŋ jäne kriminaldyq polisiia qyzmetkerlerınıŋ qatysuymen jergılıktı tūrǧyndy ūstady, odan 8,5 kg “marihuana” esırtkı zaty tärkılendı.
– “Tosqauyl” operasiiasynyŋ şeŋberınde köşı-qon polisiiasynyŋ qyzmetkerlerımen bırlesıp kün saiyn şeteldık azamattar jäne olardyŋ tūratyn jerlerıne tekserıster jürgızıldı. Operasiia basynan berı köşı-qon zaŋnamasyn būzudyŋ 1321 deregı anyqtaldy, 218 qūqyqbūzuşy elden şyǧaryldy. Qyzmettık-ızdestıru itterın qoldanumen kölık obektılerıne, avtokölık qūraldaryna, bagajǧa, poştalyq bölımşelerge jäne basqa da nysandarǧa tekseru jürgızıldı. Olardyŋ kömegımen 33 esırtkı qylmysy aşyldy. Qaru-jaraqty zaŋsyz saqtaudyŋ 31 faktısı anyqtaldy, – dedı spiker.
Operasiianyŋ qorytyndysy boiynşa barlyǧy 258 qūqyq būzuşylyqtyŋ joly kesıldı, olardyŋ ışınde esırtkı ötkızudıŋ 58 faktısı, asa ırı kölemde saqtaudyŋ 40 faktısı jäne esırtkı kontrabandasynyŋ 7 faktısı anyqtaldy. Zaŋsyz ainalymnan 144 kg juyq türlı esırtkı zattary, onyŋ ışınde 30 kg sintetika, 110 kg marihuana, 3 kg gaşiş jäne 800 gramm tramadol tärkılendı. Işkı ıster ministrlıgımen osy baǧyttaǧy jūmys jalǧasyp jatyr.
