Mädeniet jäne aqparat ministrlıgı būqaralyq aqparat qūraldary qyzmetkerlerın merekemen qūttyqtady, dep habarlaidy astana-akshamy.kz.
«Bügın – kün saiyn talmai aqparat taratyp, maŋyzdy mäseleler köterıp, qoǧamdyq pıkır qalyptastyratyn jäne qoǧamnyŋ damuyna zor üles qosyp jürgen jandardyŋ eŋbegın erekşe atap ötetın kün. Jurnalistika jai ǧana käsıp emes, qasterlı mındet ärı ülken jauapkerşılık. Sızderge jüktelgen mındet käsıbi bılıktılıktı, obektivtılıktı, adaldyq pen batyldyqty qajet etedı. Qanşama qiyndyqtar men syn-synaqtarǧa qaramastan, öz mındetterın abyroimen atqaryp, ädıldık pen şyndyqtyŋ jolynda aianbai eŋbek etıp kele jatqan barşa BAQ ökılderı qaşanda joǧary qūrmetke laiyq», – delıngen qūttyqtau mätınınde.
Ministrlıktıŋ mälımetınşe, bügınde Qazaqstanda jalpy baspa basylymdary, telearnalar, radio jäne internet-resurstardy qosqanda 5 855 BAQ tırkelgen.
«Sızderdıŋ jemıstı jūmystaryŋyz elımızdıŋ aqparattyq keŋıstıgın nyǧaituǧa jäne aşyq ärı ädıl qoǧam qūruǧa yqpal etedı. Jurnalist – būqara men bilıktıŋ arasyn jalǧaityn altyn köpır. Osy oraida el müddesı üşın qajyrly qyzmet atqaryp jürgen barşa BAQ ökılderıne erekşe alǧys bıldıremız», – dedı ministrlıkten.
