«Esırtkısız bolaşaq» qorynyŋ basşysy Jandos Aqtaev IIM bırlese otyryp, qoǧam belsendılerı esırtkı satu jäne jastardy esırtkı biznesıne tartu boiynşa 3 myŋnan astam telegram-arnany būǧattaǧanyn atap öttı, dep habarlaidy astana-akshamy.kz.
«Esırtkı saluşy retınde 13 jastaǧy balalardy tartu äreketterı jasalyp, balalar būǧan kelısuge daiyn bolǧan. Bızdıŋ qorda internet-keŋıstıktı baqylau jäne osy kontenttı būǧattau boiynşa «Mergen» algoritmı bar. Bız qarqyndy jūmys ısteudı josparlap otyrmyz. Ǧylym jäne joǧary bılım ministrlıgımen – 1800-den astam student esırtkı taratumen küresuge ötınış berdı. Densaulyq saqtau ministrlıgımen – naşaqorlyqtyŋ alǧaşqy profilaktikasy boiynşa tūjyrymdama äzırlenude», – dedı spiker OKQ alaŋynda ötken döŋgelek üstel barysynda.
Qoǧam belsendılerı jaqyn arada el aumaǧynda pilottyq rejimde ıske qosylǧaly otyrǧan üş joba daiyndauda: kiber toptar qosymşasy, käsıbi psihologtardy tarta otyryp, adamdarǧa psihologiialyq kömek körsetu jönındegı jasandy intellekt qosymşasy.
«Elımızde aimaqtaǧy esırtkı qylmysy boiynşa alǧaşqy digital-karta jasalady, ony azamattardyŋ özderı qalyptastyrady. Mūndai kartalar bar, bıraq olar resmi statistikadan qūrylǧan. Ärbır tūrǧyn osy kartaǧa naqty uaqyt rejimınde esırtkı jaǧdaiy turaly aqparatty qosa alady», – dedı Jandos Aqtaev.
QR IIM Esırtkı qylmysyna qarsy ıs-qimyl departamentı bastyǧynyŋ m.a. Baqytjan Ämırhanovtyŋ aituynşa, qoǧam belsendılerımen yntymaqtastyq qormen būryn qol qoiylǧan memorandum aiasynda jüzege asyryluda.
