Elımızde memlekettık baǧdarlama boiynşa jalǧa berılgen baspanany satyp alu qūqyǧy berıledı
Būǧan deiın qazaqstandyqtar memlekettık baǧdarlamalar arqyly jalǧa berıletın baspanalardy satyp ala almaityn. Endı el azamattaryna osyndai baspanany satyp alu qūqyǧy berıletın boldy. Būl turaly bügın brifing kezınde bırınşı vise-premer Roman Skliar mälımdedı, dep habarlaidy astana-akshamy.kz
-QR Önerkäsıp jäne qūrylys ministrlıgı osy mäselemen ainalysyp jatyr, taiauda tiıstı qūjat qabyldanyp, jariialanady. Osyǧan bailanysty şeşım 2016 jyly qabyldanǧan bolatyn. Ol jaǧdaida üidı jekeşelendıru mümkın emes edı, iaǧni üiler satyp alu qūqyǧynsyz jalǧa berıletın. Endı osy baǧytta päter alu täsılderı özgeredı. Däl osy maqsatta vedomstvo jūmys jürgızedı. Äsırese, būl jūmystar kezınde säikes keletın erekşelıkter men öŋırlerdegı jaǧdaidy eskeru kerek, – dedı Roman Skliar.
Premer-Ministrdıŋ bırınşı orynbasary satyp alu qūqyǧyn beru joldary jaqyn arada egjei-tegjeilı qaralatynyn naqty aitty.
