Qazaqstanda şegırtkenıŋ taraluyna tosqauyl qoiu baǧytynda drondar paidalanylady. Būl turaly vise-premer Serık Jūmanǧarin aitty, dep habarlaidy astana-akshamy.kz.
«Kelesı jyly şegırtkenıŋ taralu aumaǧy elımızde azaiady dep ümıttenemın, iaǧni endı 2,5 mln gektar emes, odan da az bolady. Osyǧan küş salyp jatyrmyz», – dedı S. Jūmanǧarin Senattyŋ jalpy otyrysynan keiın tılşıler sūraǧyna jauap bere otyryp.
Osy rette Premer-Ministrdıŋ orynbasary atalǧan ziiankestermen tiımdı küresu mäselesıne toqtaldy.
«Tiıstı jabdyqtardy satyp alamyz, iaǧni kelesı jyldyŋ biudjetınde 100-ge juyq dron eskerıledı. Osy tehnikanyŋ jerdegı şegırtkenı anyqtaityn arnaiy baǧdarlamasy bolady. Osy arqyly ziiankesterdı naqty anyqtap, olardy joiuǧa baǧyttalady. Būl dronnyŋ Aqtöbe oblysyndaǧy jūmysy körsetılgen edı. Sodan dronnyŋ tiımdı jūmysyn baiqauǧa bolady», – dedı Serık Jūmanǧarin.
Būǧan deiın şegırtkege qarsy küres şaralaryna 2,5 myŋnan astam adam jūmyldyrylǧany habarlandy.
