Qazaqstanda jasandy intellekt ūlttyq ortalyǧy aşylady, dep habarlaidy astana-akshamy.kz
Būl turaly Prezidenttıŋ keŋesşısı Quanyşbek Esekeev mälımdedı.
«Jaqynda bız Sifrlyq damu, innovasiialar jäne aeroǧaryş önerkäsıbı jäne Astana Hub ärıptesterımen bırge Qazaqstan Respublikasynda jasandy intellekttı damytu tūjyrymdamasy şeŋberınde derekterdı öŋdeu ortalyǧy men superkompiuter salu jobasy boiynşa jūmys tobynyŋ otyrysyn ötkızdık. Būl platformanyŋ maqsaty — Qazaqstan ekonomikasyn damytu üşın tehnologiialardy tiımdı engızu jäne AI äleuetın barynşa tolyq paidalanu. Osy tūjyrymdamanyŋ aiasynda AI ūlttyq ortalyǧyn aşu josparlanuda. Jobanyŋ missiiasy — aldaǧy jyldarda Qazaqstannyŋ AI transformasiiasyn jüzege asyru», — dep jazdy äleumettık jelıde Esekeev.
Onyŋ aituynşa, AI-dıŋ ūlttyq ekonomika men qoǧamǧa integrasiiasy — tūraqty damudy saqtaudyŋ jäne bolaşaqtyŋ syn-qaterlerıne daiyndaludyŋ qajettı şarty bolyp sanalady. Memlekettıŋ AI ūlttyq ortalyǧyn aşu jönındegı josparlary — bılım beru, infraqūrylymdy damytu, venchurlyq investisiialar, sondai-aq IT şeşımderınıŋ eksportyn qoldau salasyndaǧy bırqatar negızgı bastamasyn qamtidy. Osy joba aiasynda kelesı bastamalardy qamtityn jol kartasy äzırlendı:
- AI salasyndaǧy negızgı jobalar men zertteulerde yntymaqtasu üşın bılım beru mekemelerın, zertteu zerthanalaryn, startaptar men tehnologiialyq mekemelerdı bırıktıretın AI kampusy;
- YNOV, 01EduSystem jäne Tumo mektepterınıŋ ozyq täjıribesın eskere otyryp äzırlenetın oqu baǧdarlamalaryn qoldanyp, oquşylar men studentter arasynda AI mamandaryn daiarlau;
- Oqu kurstary, şeberlık sabaqtary jäne jelılık ıs-şaralar arqyly AI qauymdastyǧyn damytuǧa üles qosatyn P2P akademiiasyn aşu.
Būl bastamalar elımızde innovasiialyq damuǧa, bılım men oqytu deŋgeiın arttyruǧa, sondai-aq jahandyq AI industriiasyndaǧy elımızdıŋ pozisiiasyn nyǧaituǧa yqpal etetın tūraqty AI ekojüiesın qūruǧa baǧyttalǧan.
Suret: vsyapravda.net
