Elorda künıne orai «Jastar» saraiynda «Jan jüregım – Astana» atty merekelık konsert öttı, dep habarlaidy astana-akshamy.kz
Konsert elordanyŋ mädeniet basqarmasynyŋ qoldauymen ūiymdastyryldy.
«Bügıngı ıs-şara qala künıne orai ūiymdastyryldy. Zal toly boldy. Ärtısterımız körermennıŋ ystyq yqylasyna bölendı. Qala tūrǧyndary da şat-şadyman küi keştı. Barşaŋyzdy Astana künımen qūttyqtaǧym keledı. Astana – elımızdıŋ eŋ ülken jetıstıkterınıŋ bırı. Az uaqyt ışınde ol Qazaqstannyŋ ädemı jäne baǧa jetpes simvolyna ainaldy. Bızdıŋ araily Astanamyz örkendei bersın!» – dedı «Jastar» saraiynyŋ direktory Mädi Taipin.
Is-şarada elordalyq «Astana» estradalyq-simfoniialyq orkestrı, «Serper» dombyraşylar ansamblı, QR Ūlttyq ūlanynyŋ erler hory öner körsettı.
Sonymen qatar baǧdarlamaǧa «Eren eŋbegı üşın» memlekettık nagradasynyŋ iegerı Däuren Töleubaev jäne halyqaralyq baiqaulardyŋ laureattary Öner Qūlov, Tatiana Kim, Zarina Bojakova, Älıbek Älmadiev qatysty.
«Do Star» zamanaui vokal mektebınıŋ jas qatysuşylarynyŋ muzykalyq kompozisiialarynyŋ oryndaluy körermenderdı quanyşqa böledı. Sondai-aq «TERRA» bi teatrynyŋ ūjymy horeografiialyq jaǧynan önerın paş ettı.
«Bügıngı konserttıŋ maqsaty elorda tūrǧyndary men qonaqtaryna tamaşa keş syilau boldy. Orkestrdıŋ süiemeldeuımen jandy konsert körermenderge müldem basqa emosiia syilady. Zal toly boldy, konsertke 700-den astam körermen keldı», – dedı «TERRA» bi teatry käsıbi ūjymynyŋ jetekşısı Dilbar Sadyqqyzy.
«Jastar» saraiynyŋ direktory Elorda künıne orai basqa da ıs-şaralardy ötkızu josparlanyp otyrǧanyn atap öttı. 5 şıldede «Mereily Family-2024» jäne «Aialaǧan Astana» baiqaulary ötedı. 7 şıldede «Kıru kody» spektaklı ötedı.
