Elımızde 6 şıldede Astana künı atalyp ötıledı, dep habarlaidy astana-akshamy.kz
Osy merekege orai Astanada 100-ge juyq türlı ıs-şara ötkızıledı. Qala tūrǧyndary men qonaqtaryna arnap konserttık baǧdarlamalar, festivaldar, sporttyq turnirler jäne t.b. ötedı.
31 tamyzǧa deiın är senbı men jeksenbı künderı saǧat 14:00-den bastap Qalalyq alaŋda, ortalyq jaǧalauda (Esıl özenı), Ortalyq saiabaqta (amfiteatrǧa qarama-qarsy), «Jerūiyq» saiabaǧynda, «Jetısu» saiabaǧynda balalarǧa arnalǧan oiyn-sauyq baǧdarlamalary, şyǧarmaşylyq ūjymdardyŋ qoiylymdary, fleşmobtar qamtylyp,«Creative summer» jazǧy jobasy ötedı.
3 şılde künı saǧat 18:00-de E.Rahmadiev atyndaǧy Memlekettık akademiialyq filarmoniiada Qazaqstannyŋ üzdık dästürlı änşılerı, küişılerı, jyrlaryna arnalǧan «Asyl mūra» merekelık konsertı ötedı. Oǧan öner qairatkerlerı men elımızdıŋ tanymal şyǧarmaşylyq ūjymdary qatysady. Atap aitqanda, Qazaqstannyŋ Halyq ärtısı Ramazan Stamǧaziev, Qazaqstannyŋ eŋbek sıŋırgen qairatkerlerı Aigül Elşıbaeva, Elmūra Jaŋabergen, Aigül Qosanova, Ardaq Balajanova, Klara Tölenbaeva jäne basqa da ärtıster bar.
5 şıldede saǧat 19:00-de Amfiteatrda «Aialaǧan Astana» gala-konsertı ötedı, būl joba damuǧa yqpal etedı jäne qazaqstandyq jas talanttarǧa ülken sahnaǧa şyǧuǧa mümkındık beredı.
5 şılde künı saǧat 15:00-de «Jastar» teatrynda «Bairaǧy biık baitaǧym» aqyndar arasyndaǧy respublikalyq müşaira baiqauynyŋ jeŋımpazdaryn marapattau räsımı ötedı.
5 şıldede saǧat 11:00-de Jazuşylar alleiasynda «KITAPHANA FEST-2024» kıtap festivalı ötedı. Kıru tegın. Festival üş negızgı bloktan tūrady – kıtap järmeŋkesı, bılım beru baǧdarlamasy jäne balalar men otbasylarǧa arnalǧan baǧdarlama.
5-7 şılde aralyǧynda elordada «Teatralnaia Euraziia» I Halyqaralyq köşe teatrlarynyŋ festivalı ötedı. Is-şaraǧa Estoniia, Polşa, Mäskeu jäne qazaqstandyq teatr ūjymdary men ärtısterı qatysady.
6-7 şıldede saǧat 12:00-de halyqaralyq köşe teatrlary festivalıne qatysuşylardyŋ şeruı ötedı. Ol qala alaŋynan bastalyp, Ortalyq saiabaqta şerudı aiaqtaidy.
6 şıldede saǧat 18:00-de EKSPO alaŋynda Open air aşyq aspan astyndaǧy merekelık konsert ötedı. Is-şarada otandyq estrada jūldyzdary Ninety one, Orda, Raim, Sadraddin, Kalifarniya, Nazima, Alpha, T’OI, Imzi, Qūrmaş Mahan, Jazzdauren jäne basqa da ärtıster öner körsetedı.
6 şıldede saǧat 11:00-de jäne saǧat 15:00-de qala şetınde tūrǧyn alaptarynda elorda tūrǧyndary men qonaqtaryna arnalǧan «Astana – jüregım» konsertterı ötedı. Merekelık ıs-şarada Mädi Qadyrov, Gülnūr Orazymbetova, Dosymjan Taŋatarov, Medet jäne Klara Salyqovtar, Bauyrjan İsaev jäne qazaqstandyq estradanyŋ basqa da jūldyzdary öner körsetedı.
6 şılde künı saǧat 20:00-de Amfiteatrda E.Rahmadiev atyndaǧy Memlekettık akademiialyq filarmoniia ärtısterınıŋ qatysuymen «Astana – arman qala» merekelık konsertı ötedı. Is-şaraǧa belgılı öner qairatkerlerı men estrada jūldyzdary Maira Iliiasova, Qanat jäne Sveta Aitbaevtar, Arailym Rahymqyzy, Gülnūr Orazymbetova, Zarina Omarova, Mūratbek Hairolda, Farida Joldasova, Äkımhan Mäjenov, Altynşaş Mūqataeva, sondai-aq DJ Dake jäne «ALEM» Zamanaui bi baletı qatysady.
6, 7 jäne 8 şıldede saǧat 12:00-den bastap qala qonaqtary men tūrǧyndary üşın Ortalyq saiabaqta «Mereke street» jazǧy jobasy jūmys ısteidı. Būl şeberlık synyptary men aşyq aspan astyndaǧy kinoteatry bar barlyq jastaǧy azamattarǧa arnalǧan Otbasylyq demalys festivalı.
7 şıldede EKSPO alaŋynda dombyra künıne arnalǧan merekelık şou-konsert ötedı. Keş qonaqtary: «Qorqyt» etno-folklorlyq ansamblı, «Made in KZ» toby, İbragim Eskendır jäne «Altyn dombyra» balalar şyǧarmaşylyq ortalyǧy, «Assyl» toby, Qalifarniya, Qanay, Aqtoty Bolşova jäne basqa da ärtıster.
8 şılde künı «Jastar» saraiynda saǧat 19:00-de Astana men Nusantara bauyrlas qalalar künın merekeleu qūrmetıne bırlesken merekelık konsert ötedı. Is-şarada Qazaqstan men İndoneziianyŋ daryndy ärtısterınıŋ dästürlı muzykasy men bilerı oryndalady.
Elorda künıne auqymdy sporttyq-būqaralyq ıs-şaralar josparlanǧan. Olardyŋ ışınde eŋ ülkenı: «Jasaiber, jaina Astanam!», «Tolaǧai» respublikalyq turnirı, at jarysy (konkur), «Elorda kubogy» bäigesı, «El jüregı – Astana!» bar.
Irı ıs-şaralarmen qatar 2010-2011 jyly tuǧan jasöspırımder arasynda bokstan «Qazaq Arlany» by M. Toitov boks klubynyŋ aşyq respublikalyq turnirı, tırek-qimyl apparaty zaqymdanǧan adamdar arasynda pauerliftingten qala kubogy «Baiqoŋyr» audanynyŋ tūrǧyndary arasynda voleiboldan turnir, asyq atudan «Astana saqasy» aşyq turnirı (erler, äielder), mümkındıgı şekteulı sportşylar arasyndaǧy «Şoudaun» üstel tennisınen chempionat. Osy ıs-şaralardyŋ barlyǧy Astana künın merekeleu qūrmetıne ūiymdastyrylady.
