Elorda künın merekeleu aiasynda Astana äkımdıgı jäne Erkeǧali Rahmadiev atyndaǧy memlekettık akademiialyq filarmoniia «FILARMONIA FEST – 2024» muzykalyq ıs-şarasyn ötkızdı, dep habarlaidy astana-akshamy.kz
«FILARMONIA FEST» Astana künın merekeleu aiasynda qalanyŋ muzyka älemı ainalasynda jūrtşylyqty bırıktıruge arnalǧan. Būl qazaqstandyq muzykalyq mädeniettı därıpteu, otandyq önerdıŋ gumanistık jäne ruhani baǧyty arqyly halyqtyŋ türlı toptaryn körkemdık şyǧarmaşylyqqa baulu maqsatynda ötkızıledı.
28 jäne 29 mausym künderı Kenesary köşesı, 32 mekenjaiyndaǧy filarmoniia ǧimaratynyŋ aldyndaǧy alaŋnan Esıl özenınıŋ jaǧalauyna deiın türlı ıs-şaralar öttı.
Bırınşı künı joba aiasynda filarmoniia aldyndaǧy alaŋda «Bormen suret salu», «Jivopis» ekı nominasiiasy boiynşa «Men muzyka salamyn» balalar suret baiqauy öttı. Üzdık jūmystardyŋ avtorlaryna syilyqtar tabystaldy. Al jas muzykanttar üşın būl alaŋda filarmoniia ärtısterınen «Saryarqa» halyq muzykasy ansamblı men simfoniialyq orkestrdıŋ «Muzykalyq aspaptar älemıne saiahat» atty şeberlık sabaqtary ūiymdastyryldy, onda balalar ädemı dybystardyŋ tuuy men olardyŋ äuen bop qaita şyǧu qūpiialaryn bıldı.
Ekınşı künı sol alaŋda filarmoniianyŋ barlyq ūjymdarynyŋ qatysuymen elordanyŋ 26 jyldyǧyna arnalǧan «tırı» 26 sany salynǧan jappai fleş-mob öttı. Esıl özenınıŋ jaǧalauy men elordalyq Arbat arqyly şeru de öttı. Ülken muzykalyq şeruge «Saryarqa» halyq muzykalyq ansamblı, «Qorqyt» etno-ansamblı, Alem Zamanaui horeografiia baletı, Kameralyq hor, Qazaq, simfoniialyq jäne ürmelı orkestrler, estradalyq, klassikalyq vokal jäne halyq änı bölımı qatysty.
Būl ūjymdar şeruden keiın qonaqtar aldynda muzykalyq nömırlermen öner körsetıp, Kenesary eskertkışınıŋ janynda «Atameken» änın bırge oryndady.
