Būl turaly Astana qalalyq mäslihatynyŋ otyrysynda elordanyŋ bılım basqarmasynyŋ basşysy Qasymhan Senǧazyev mälımdedı. Sondai-aq ol qalada qai pän mūǧalımderıne qajettılık bar ekenın de aityp berdı, dep habarlaidy astana-akshamy.kz
«Bügıngı taŋda elordanyŋ bılım beru salasynda 21 myŋnan astam pedagog jūmys ısteidı. Onyŋ ışınde memlekettık jalpy bılım beretın mektepterde 12 myŋnan astam pedagog bar. Ūlttyq bılım beru derekterı bazasynyŋ mälımetınşe, bügıngı taŋda pedagogtarǧa qajettılık — 91 adam. Qajettılık orys tılınde oqytatyn bastauyş synyp mūǧalımderı, matematika, informatika, tarih, orys tılı men ädebietı, fizika, himiia mūǧalımderıne köbırek baiqalady», — dedı Qasymhan Senǧazyev qalalyq mäslihat otyrysynda.
Soǧan qosa arnaiy bılım beru ūiymdaryndaǧy arnaiy pedagogterge, mektepke deiıngı mekeme tärbieşılerıne de qajettılık bar. Elordada 2029 jylǧa deiın 80 mekteptı qoldanysqa beru közdelude. Sonyŋ ışınde «Jaily mektep» ūlttyq jobasy boiynşa 24 mektep salynady.
«Bas qalada jyl saiyn bala sany 20 myŋǧa deiın ösedı. Jylyna 11-synypty 10-11 myŋ bala bıtıretın bolsa, 1-synypqa 28-29 myŋ bala keledı. 2027 jyly elorda oquşylarynyŋ sany 330 myŋnan, al pedagogterge qajettılık 3 myŋnan asady degen boljam bar», — dedı spiker.
Oryn tapşylyǧy mäselesın şeşu üşın 2018 jyldan berı pedagogikalyq mamandyqtarǧa Astana qalasy äkımdıgınıŋ granty bölınedı.
