Elordada Qarjylyq monitoring agenttıgınıŋ qoldauymen «AFM online» konferensiiasy öttı, dep habarlaidy astana-akshamy.kz.
Auqymdy ıs-şara qarjy piramidalaryn qalai tanu, droptarǧa qarsy tūru, halyqtyŋ qarjylyq sauattylyǧyn arttyru jäne basqa da özektı mäselelerge arnaldy. Maqsat: jastardyŋ qarjylyq sauattylyǧyn arttyru jäne blogosferada dūrys qūqyqtyq aqparattyq sifrlyq mädeniettı qalyptastyru. Onlain rejimdegı pıkırtalasqa elımızdıŋ 35 joǧary oqu ornynan 20 myŋnan astam student qatysty. Kezdesude barysynda spikerler blogerlermen qyzyqty keistarymen bölıstı, öz kezegınde olar auditoriiasyna ärı qarai jetkızetın maŋyzdy aqparat aldy. Media tūlǧalar üşın äleumettık jelılerdegı mınez-qūlyq erejelerı jäne qandai jarnama üşın zaŋmen jaza qarastyrylǧany tüsındırıldı. Paneldık sessiialar barysynda belgılı blogerler, qarjy analitikterı, qoǧam qairatkerlerı, deputattar men memlekettık organdardyŋ ökılderı internet-gigiena, alaiaqtyq jobalardy jarnamalaǧany üşın jauapkerşılık, äleumettık jelılerde qūqyqqa qarsy kontenttı taratu, jastardy qūqyqqa qarsy qyzmetke tartu turaly pıkır talasty. Agenttık Töraǧasy Dmitrii Malahov özınıŋ qūttyqtau sözınde QMA-nyŋ negızgı mındetı – jas ūrpaqqa qarjylyq sauattylyq negızderın tüsındıru ekenın atap öttı.
«2021 jyldan bastap bız qarjy piramidalarynyŋ ömırlık siklın jäne olardyŋ salymşylarynyŋ sanyn qysqartuǧa baǧyttalǧan arnaiy joba jürgızıp kelemız. Iаǧni, bız olardyŋ jūmysyn bastapqy kezeŋınde, halyq arasyna taramai tūryp, toqtatu üşın jūmys ıstep jatyrmyz», – dedı D.Malahov.
Bügıngı taŋda Agenttık internette zaŋsyz mazmūndy kontenttı ızdeudı jäne būǧattaudy avtomattandyrdy. Qazırdıŋ özınde 10 myŋǧa juyq saittar men qarjy piramidalarynyŋ belgılerı bar akkaunttar būǧattalǧan. Būdan basqa, atauly jūmysty jürgızu üşın äleumettık jelıler arqyly alaiaqtyq shemalarǧa tartylǧan salymşylardy erte anyqtau jüiesı jolǧa qoiylǧan. Qabyldanǧan şaralardyŋ nätijesınde bügıngı taŋda 126 myŋ jazyluşy alaiaqtyq shemalardy jarnamalaityn akkaunttardan bas tartty. Is-şara barysynda JOO studentterı üşın ärtürlı alaiaqtyq shemalardyŋ aldyn aluǧa baǧyttalǧan üzdık beinerolikke konkurs jariialandy.
