Elordada «Astana – esırtkısız qala!» jospary qalai jüzege asyryluda?
Bügınde Astana qalasy Polisiia departamentı internet-resurstar arqyly kontaktısız jetkızıletın esırtkınıŋ sintetikalyq türlerın qosa alǧanda, ötkızu jäne jetkızu arnalary faktılerın anyqtauǧa erekşe köŋıl bölıp keledı. Osy jūmystar turaly bügın Astana kommunikasiialar ortalyǧynda Astana qalasy PD Esırtkı qylmysyna qarsy ıs-qimyl basqarmasynyŋ asa maŋyzdy ıster jönındegı aǧa jedel uäkılı, polisiia maiory Aliia Qibatqyzy baiandady, dep habarlaidy astana-akshamy.kz.
Aǧymdaǧy jyldyŋ bes aiynda esırtkınıŋ zaŋsyz ainalymyna qatysty 528 derek anyqtalǧan, onyŋ ışınde esırtkı satu boiynşa 132 derek tırkelgen. Zaŋsyz ainalymnan 62 kg. türlı esırtkı zattary tärkılendı.
2022-2024 jyldar aralyǧynda elordada 9 esırtkı zerthanasynyŋ qyzmetı anyqtalyp, joly kesıldı. Bügıngı taŋda Qazaqstanda esırtkı naryǧynda ösımdık tektes dästürlı preparattardy (marihuana, gaşiş jäne t.b.) «sintetikalyq» dep atalatyn «dizainerlık preparattarmen» qarqyndy auystyru belsendı üderısı jürıp jatyr.
Elordada sintetikalyq esırtkıge qatysty 206 faktısı anyqtaldy. Būl jūmysta azamattar belsendılık tanytuda. Olardyŋ habarlauy boiynşa biylǧy jyly därı-därmek satatyn 50 veb-sait būǧattaldy, sonymen qatar, graffitidı jarnamalaityn onlain därıhana dükenderı joiyldy. Esırtkı tūtynuşylardyŋ sanyn azaitu maqsatynda jasöspırımder men jastar arasynda profilaktikalyq jūmystary küşeitılude. Polisiia departamentı äkımdıkpen, basqa da müddelı organdarmen jäne ÜEŪ-men bırlesıp 214 profilaktikalyq ıs-şara (aksiialar, seminarlar, därıster, döŋgelek üstelder, kezdesuler, sporttyq ıs-şaralar, konkurstar) ötkızgen.
Astana qalasy Polisiia Departamentınıŋ PD-nıŋ Esırtkı qylmysyna qarsy ıs-qimyl basqarmasynyŋ profilaktikalyq jäne vedomstvoaralyq üilestıru tobynyŋ qyzmetkerlerı esırtkı qylmystarynyŋ aldyn alu men naşaqorlyqty boldyrmau boiynşa būqaralyq aqparat qūraldarynda 160 material jariialaǧan. Qala mektepterınıŋ joǧary synyp oquşylary arasynda suretter, logotipter men beinerolikter konkurstary, fleşmobtar ötken. «Esırtkıge jol joq» taqyrybynda qalalyq jäne audandyq prokuratura ökılderımen, Astana qalasynyŋ «Astana jastary» qoǧamdyq bırlestıgınıŋ erıktılıerımen kezdesuler men äŋgımeler ūiymdastyrylǧan. Sonymen qatar elordanyŋ joǧary oqu oryndarynyŋ studentterımen profilaktikalyq ıs-şaralary men qūqyqtyq tüsındıru jūmystary jürgızılıp keledı. «Astana IT University», EAGİ, KAZGIýU, Astana medisina universitetı studentterımen esırtkı qylmysy üşın qylmystyq jauapkerşılık jäne psihoaktivtı zattardy qoldanudyŋ saldary turaly aqparatpen tanystyru maqsatynda 10-ǧa juyq kezdesu ötken.
Eske sala keteiık, «Qazaqstan Respublikasynda naşaqorlyqqa qarsy küres jönındegı keşendı ıs-şaralar jospary» aiasynda 2023 jylǧy qaraşada Astana qalasynyŋ äkımımen 2023-2025 jyldarǧa arnalǧan «Astana – Esırtkısız qala!» atty jospar bekıtılgen bolatyn.
