Astanada mamandyrylǧan balalar üiınde «Ǧajaiyp köktem» atty merekelık erteŋgılık öttı, dep habarlady astana-akshamy.kz.
Is-şaranyŋ maqsaty – balalarǧa köterıŋkı köŋıl-küi syilau.
Is-şaraǧa qalalyq äkımdık, qoǧamdyq densaulyq saqtau basqarmasynyŋ ökılderı jäne elordalyq balalar üiınıŋ tärbielenuşılerı men ūjymy jäne t.b. qatysty. Sondai-aq olardyŋ qatarynda mekeme demeuşılerı, mesenattar men käsıpkerler bar.
«Merekelık ıs-şarada balalar multfilm keiıpkerlerımen bırge qonaqtarǧa än aityp, bi bilep, öner körsettı. Mūnda 4 jasqa deiıngı balalar qatysty. Bügıngı ıs-şara köktem taqyrybyna arnalyp otyr», – dedı Astana qalasy äkımdıgınıŋ «Mamandyrylǧan balalar üiı» KMM aǧa tärbieşısı Laura Būrymbaeva.
Qazırgı taŋda balalar üiınde 72 bala bar.
«Qaiyrly kün, qūrmettı ūstazdar men qonaqtar! Bügıngı köktem mezgılımen bırge keletın Alǧys aitu meiramy qūtty bolsyn! Barşaŋyzǧa baq-bereke, mol igılık jäne eŋbekterıŋızge tabys tıleimın!» – dedı Astana qalasy Jastar saiasaty mäselelerı basqarmasy basşysy Samat İbraev.
