Halyqaralyq balalardy qorǧau künı qarsaŋynda elordaǧa elımızdıŋ barlyq öŋırlerınen öz jetıstıkterımen erekşelengen balalar, balalar qozǧalysynyŋ köşbasşylary jäne türlı jaǧdailarda adam ömırın araşalap qalǧan batyr balalar jinaldy. Olardyŋ ärqaisysy joǧary baǧalanyp, QR Oqu-aǧartu ministrlıgınıŋ alǧys hatymen marapattaldy, dep habarlaidy astana-akshamy.kz.
Oqu-aǧartu vise-ministrı Edıl Ospan memleket tarapynan balalardyŋ qauıpsızdıgı men jaily ortada ömır süruı, bılım men tärbie aluy üşın barlyq jaǧdaidyŋ jasalyp otyrǧanyn aitty.
«Biyl bız Balalardy qorǧau künı qarsaŋynda dästürlı türde talantymen daralanǧan jäne şeşuşı sätte batyrlyq tanytqan balalardy jinadyq. Memleketımızdıŋ, halqymyzdyŋ, ata-analaryŋnyŋ ükılegen ümıtı özderıŋ. Bügınde memleket balalarymyzdyŋ tärbielenuıne, bılım aluyna jäne damuyna qolaily jaǧdai jasauda. Öŋırlerde mektepter, balabaqşalar, mädeni jäne sporttyq nysandar qūrylysy qarqyndy jürude, zaŋnamalyq baza jetıldırılude, pedagogterdıŋ bılıktılıgı arttyryluda. Balalar – ärqaşan bızdıŋ qorǧauymyzda. Tek bılım aluǧa, biık belesterdı baǧyndyruǧa jäne adal, ädıl tūlǧa boluǧa ūmtylu kerek, öitkenı elımızdıŋ bolaşaǧy senderdıŋ qoldaryŋda», – dep atap öttı Edıl Ospan.
Kezdesu ärı qarai aşyq dialog formatynda jalǧasty, onda balalar özderı, otbasy, mekteptegı jetıstıkterı, qyzyǧuşylyqtary men armandary turaly aitty. «Bolaşaqpen kezesu. Dialog s buduşim» taqyrybyndaǧy ıs-şaraǧa Qazaqstan Respublikasyndaǧy Bala qūqyqtary jönındegı uäkıl qatysty. 
Äsırese, Astana qalasy men Qostanai oblysynan kelgen batyr balalar Aqan, Ramil, Matvei jäne İvandy atap aituǧa bolady. Juyrda ǧana būl balalar örtenıp jatqan üilerden adamdardy alyp şyǧyp, olardyŋ ömırın saqtap qaldy. Jas batyrlar men olardyŋ ata-analary QR Oqu-aǧartu ministrınıŋ alǧys hattarymen marapattaldy.
«Ata-anam men ūstazdaryma maǧan sıŋırgen tärbielerı üşın alǧysymydy bıldıremın. Sondai-aq memleketke jäne Prezidentımızge bızge artqan senımı men qoldauy üşın alǧys aitqym keledı», – deidı №31 mektep-gimnaziiasynyŋ 7 synyp oquşysy Aqan Äkımjanov.
Kezdesu soŋynda barlyq qatysuşylarǧa balalar sauyqtyru ortalyǧyna joldamalar men syilyqtar tabystaldy, sondai-aq köşbasşylyqty damytu boiynşa treningter ötkızılıp, balalar özara pıkır almasyp, ūsynystarymen bölıstı. Sondai-aq balalar Astananyŋ mädeni-demalys ortalyqtaryn aralady.
