13 säuır men 11 mamyr aralyǧynda elordada «Taza Qazaqstan. Astana – tazalyq pen tärtıptıŋ ülgısı» ailyǧy ötedı, dep habarlaidy astana-akshamy.kz
Ärbır tūrǧyn elordada tazalyq pen tärtıptı qamtamasyz etuge öz ülesın qosa alady.
Ekologiialyq ailyq şeŋberınde qalany, nöser jäne aryq kärız jelılerın sanitarlyq tazartu, köşelerdı, trotuarlar men oramışılık aumaqtardy tazalau, saiabaqtar men skverlerdegı jasyl jelekterdı kütu boiynşa mausymdyq agrotehnikalyq jūmystar, sauda nysandaryna ırgeles aumaqtardy jinau, kögaldar men gülzarlardy ornatu jönındegı ıs-şaralar, rūqsat etılmegen qoqystardy joiu jürgızıledı.
Sondai-aq aksiia aiasynda 270 myŋnan astam jasyl jelek otyrǧyzu josparlanuda.
Qala käsıporyndarynyŋ, MİB (PİK), şaǧyn jäne orta biznes subektılerınıŋ (bazarlar, sauda oiyn-sauyq ortalyqtary jäne basqalar), oqu oryndarynyŋ, erıktıler men barlyq bei-jai qaramaityn azamattardy ekologiialyq ailyqqa qatysuǧa şaqyramyz.
Elorda tūrǧyndary men qonaqtaryn oramışılık (üi maŋyndaǧy) aumaqtardy tazalauǧa şaqyramyz.
Memleket basşysy öz ündeuınde köşelerdı tazartu, eldımekenderdıŋ aumaqtaryn kögaldandyru jäne abattandyru, sondai-aq joldardy retke keltıru jönındegı nauqandy jürgızudıŋ maŋyzdylyǧyn atap öttı.
