Astana qalasy äkımdıgınıŋ Tılderdı damytu jäne arhiv ısı basqarmasynyŋ «Ruhaniiat» KMM qazaq jäne aǧylşyn tılderınde ötkızılgen kurstyŋ aiaqtaluyna orai belsendı qatysuşylarǧa sertifikattar tapsyrdy, dep habarlaidy astana-akshamy.kz
Kurs ekı kezeŋnen tūrady. Ūzaqtyǧy 4 ai. Sabaqtar aptasyna 3 ret bolady. Qazaq tılı 100 saǧatty, al aǧylşyn tılı 88 saǧatty qamtidy.
«Qazaq tılı kursy 2018 jyldan berı jūmys ıstep keledı. Sodan berı eresekterge qazaq jäne aǧylşyn tılderın üiretu jūmystaryn jürgızemız. Qazaqstan Respublikasynyŋ 2023-2029 jyldarǧa arnalǧan tūjyrymdamasyna säikes Astana qalasynyŋ jekelegen tūrǧyndaryn, memlekettık qyzmetşılerdı jäne ūlttyq kompaniialardyŋ ökılderın qazaq tılıne üiretumen ainalysamyz.
Josparǧa säikes, jyl boiyna qazaq tılı kursy boiynşa 1500 adamdy, al aǧylşyn tılı boiynşa 110 adamdy qamtuymyz qajet. Jyldyq jospar boiynşa mejege jetemız, öitkenı qazaq tılın üirenuge qyzyǧuşylyq tanytatyndar öte köp. Osy jyly 877 adam qazaq tılın kursyn tämamdady. Aǧylşyn tılı boiynşa 38 adam aiaqtady. Bügın sabaqtan qalmai qatysqan belsendı özge ūlt ökılderın alǧyshatpen marapattap, ädebi kıtaptardy syiǧa tarttyq», – dedı «Ruhaniiat» KMM Qazaq tılın oqytu jäne ädıstemelık jūmystar jönındegı bölım basşysy Saltanat Jailau.
Is-şaranyŋ maqsaty – tıl üirenuşınıŋ tūrmystyq-käsıbi salalarda qazaq tılın sauatty qoldanuyn qalyptastyru jäne olardy tıl deŋgeilerı boiynşa öz oiyn, pıkırın erkın aituǧa, ıs-qaǧazdaryn sauatty jürgızu daǧdysyna üiretu.
«Men Respublikalyq ǧaryştyq bailanys ortalyǧynda jūmys ısteimın. Qazaqstan Respublikasynyŋ memlekettık tılı – qazaq tılı. Memlekettık tıldı meŋgeru – Qazaqstan Respublikasynyŋ ärbır azamatynyŋ paryzy. Osy paryzymyzdy oryndauǧa Astana qalasy äkımdıgı «Ruhaniiat» KMM ülken kömek körsettı. Atalǧan mekemege qazaq tılın oqytudy ūiymdastyru ısıne öz ülesın qosqany üşın Respublikalyq ǧaryştyq bailanys ortalyǧy atynan şynaiy alǧysymyzdy bıldıremız», – kurs qatysuşysy Sergei Gavrilenko.
Sonymen qatar, aǧylşyn tılın üirenuge tılek bıldıruşıler de az emes.
«Öz mamandyǧym – nemıs tılı pänı mūǧalımı. Bıraq aǧylşyn tılın üirengen de ūnaidy. 2-3 jyldan berı üirenıp te kelemın. Degenmen söilemese, tıl öledı ǧoi, sondyqtan osy kursqa jazyldym. Būl kursta köp närsenı eske tüsırıp qana qoiǧan joqpyz, bıraz jaŋa närsenı de üirendık» – dedı kurs qatysuşysy Meiramgül Ötegenova.
