Astana qalasynda qazaq tılınde onlain-kontent jasauşylardyŋ VII QAZAQFORUM-y ötude, dep habarlaidy astana-akshamy.kz.
Forumnyŋ basty taqyryby: “Bolaşaqtyŋ didary. Jaŋa tehnologiialar jäne media”.
Qazaqstandaǧy AQŞ Elşılıgınıŋ qoldauymen ötıp jatqan forumnyŋ maqsaty – qazaq tılındegı kontenttıŋ sapasyn arttyru, jaŋa tehnologiialardy tiımdı paidalanu jäne medianyŋ bolaşaqtaǧy damu joldaryn talqylau.
Biyl jetınşı ret ötetın qazaq tılınde onlain-kontent jasauşylar forumy – tanymal media sarapşylar, jurnalister, bas redaktorlar, blogerlerdıŋ basyn qosyp, qazaqtıldı onlain mediany damytu mäselelerın talqylaityn jalǧyz alaŋ. Forumda jasandy intellekt mäselesı, onyŋ mediadaǧy rölı men onyŋ qoldanyluy talqylanyp, şeberlık saǧattary ötkızıledı. Jyl saiyn QazaqForum-da taqyryptarmen qosa, sarapşylar qatary özgerıp tūrady. Qatysuşylar «Qazaq mediasynyŋ tynys-tırşılıgı qalai?», «Elde qandai mäseleler özektı?» degen özektı saualdarǧa jauap ızdeidı. Forum – äsırese, qazaq tılınde kontent jasaityn adamdarǧa öte jaqsy mümkındık.
Is-şara halyqaralyq təjıribe negızınde qazaqstandyq media-naryqtyŋ damu kökjiekterın aiqyndaityn bırıktıruşı alaŋǧa ainaldy. Jiyn barysynda spikerler men qatysuşylar talqylaityn taqyryptar: «Bolaşaqtyŋ tehnologiialary: tübegeilı transformasiia nemese üilesımdı damu», Hype.Fake.Clickbait «Jaŋalyqtar jasau men tūtynudyŋ mädenietı», «Jİ: Qauıpsızdık jäne halyqaralyq retteu standarttary», «Kreativtı industriia, mädeniet jäne tehnologiia». Sondai-aq “Kündelıktı ömırde qoldanuǧa arnalǧan üzdık neirojelıler”, “Jasandy intellekt kömegımen kontent jasau” taqyrybynda master-klacstar ūiymdastyryluda. QAZAQFORUM turaly tolyq aqparatty http://www.qazforum.kz saitynda jäne @qazaqforum İnstagram paraqşasynda taba alasyzdar.
