Astanada «Taza Qazaqstan. Astana – tazalyq pen tärtıptıŋ ülgısı» auqymdy ekoaksiiasy aiasynda «Jasyl el» jastar eŋbek jasaqtary kezektegı «Taza Düisenbı» 7 aksiiasyn ötkızdı. Astana qalasynyŋ Jastar saiasaty mäselelerı basqarmasynyŋ qoldauymen «Respublikalyq studenttık qūrylys jäne jastar jasaqtary qozǧalysy» qoǧamdyq qorynyŋ ūiymdastyruymen ötken ıs-şarada elordadaǧy Respublikalyq bas meşıt aumaǧynda tazalyq jūmystary jäne aǧaştaryna kütım jasaldy. Aksiiaǧa jalpy 170-ten asa jastar qatysty, dep habarlaidy astana-akshamy.kz.
Aksiia qalanyŋ ekologiialyq jaǧdaiyn jaqsartu jäne tazalyqty saqtau, ärbır aulada tazalyq pen tärtıpke sanaly, adal közqaras qalyptastyru. maqsatynda ötkızıledı.
«Jasyl el» baǧdarlamasyn ıske asyru – memlekettık jastar saiasatynyŋ negızgı basym baǧyttarynyŋ bırı. Ol jastardyŋ küşımen elımızdı kögaldandyru, abattandyru arqyly student jastardy eŋbekpen qamtamasyz etu, jastar arasynda ekologiialyq tärbienı nasihattau jäne dostyq qarym-qatynasty nyǧaitu, jastardyŋ tabiǧatqa qamqorlyqpen qarap, özınıŋ jerıne, elıne degen süiıspenşılıgın qalyptastyru maqsatynda ūiymdastyrylyp jür. Bügıngı ıs-şara barysynda Öndırıs tūrǧyn alabynyŋ ainalasyn tazartu jūmystary jürgızıldı. Ekologiialyq sana men mädeniettı qalyptastyruymyz kerek. Ony ärkım özınen bastaǧany jön», – dedı Marat Mūhamedjanov.
Aita keteiık, biyl «Jasyl El» eŋbek jasaqtarynyŋ XX eŋbek mausymy bastaldy.
Joba aiasynda elorda boiynşa 4200-den astam 14 pen – 35 jas aralyǧynda jastar jūmyspen qamtamasyz etıledı. Olar qalamyzdyŋ qūrylys nysanyndaryna, qala maŋyndaǧy «jasyl beldeude», äleumettık nysandardy, jalpy bılım beretın mekemeler aumaǧynda, qala saiabaqtaryna, kögaldandyru jūmystaryna jūmyldyrylady.
